Хитай уйғур елиниң тәбиий газлирини тошуш қәдимини тезләтмәктә
2007.11.19
Хитай ахбарат вастилири бәргән хәвәрләрдин ашкарилинишичә , тарим нефитлик ширкити бу йил ноябир ғичә, тәбиий газ ишләпчиқириш мәһсулат миқдари вә ғәрбниң газини шәрққә йөткәш миқдарини бултурқидин ашурған.
Хәвәрдин ашкарилинишичә, хитайдики җуңго нефит вә тәбиий газ гуруһи ширкити тарим нефитлик ширкити бу йил 31- өктәбиргичә ишләпчиқарған тәбиий газ 13 милярд 200 милйон куп метирға , ғәрбниң газини шәрққә йөткәш турубиси арқилиқ йөткигән тәбиий газ 11 милярд 200 милйон коп метирға йәткән.
Хәвәрдә көрситилишичә йәнә, мәзкур нефит ширкитиниң күндилик тәбиий газ ишләпчиқириш миқдари 45 милйон куп метирдин ашқан болуп, бу йилниң ахирғичә ишләпчиқиридиған тәбиий газниң омумий миқдари 15милярд 700 милйон куп метирға йетип хитай буйичә алдин орунға өтидикән.
Хитай уйғур елиниң тәбиий газлирини шәрққә йөткәш қәдимини техиму тизлитиш үчүн 2004- йили ғәрбниң газини шәрққә йөткәш туруба линийиси қурулушини тамамлиған болуп, игилинишичә, җуңго нефит вә тәбиий газ гуруһи ширкити ғәрбий шималда йәнә иккинчи чоң нефит газ туруба қурулуши ясаш үчүн 102 милярд йүән йәни 13 милярд 600 милйон доллар мәбләғ салған. Бу 8 миң километирлиқ нефит, тәбиий газ йөткәш турубиси қурулуши келәр йилиниң бешида башлинип 2010 - йили пүтүп ишқа кириштүрүлидикән. (Җүмә)
Мунасивәтлик мақалилар
- Хитайдики әң чоң икки нефит санаәт гуруһиниң қанунсиз банкидин пул алғанлиқи тәкшүрүлмәктә
- Хитай дуня бойичә ениргийә сәрпияти әң чоң дөләткә айлиниду
- Хәлқара нефит базирида бир барол нефитниң баһаси 98 америка доллириға өрлиди
- 6 Нәпәр "шинҗаңлиқ" хитай форбес журнилиниң хитайдики байлар тизимликигә кирди
- Вен җябав түркмәнистанни зиярәт қилди
- Хитайда нефит мәһсулатлири билән тәминләш җиддийлишип һәтта адәм өлүш вәқәси чиқти
- Хитай : оттура асия башлиқлар йиғини "бөлгүнчилик" вә енергийә мәсилисини музакирә қилиду
- Хитай иккинчи чоң нефит, тәбиий газ турубиси қурушқа 13 милярд 600 милйон доллар мәбләғ салди
- Кишилик һоқуқ тәшкилатлири шветсарийә банкисини хитай нефит ширкити билән һәмкарлашмаслиққа чақирди
- Ваң лечүән, сиясий бюрониң әзалиқиға йәнә сайланди