تارىم نېفىتلىكىدە تەبىئىي گاز ئىشلەپچىقىرىش ئالدىنقى يىلدىكىدىن 40 پىرسەنت ئاشقان


2007-12-21
Share

خىتاي ئاخبارات ۋاسىتىلىرى بەرگەن خەۋەرلەردىن ئاشكارىلىنىشىچە، بۇ يىل ئۇيغۇر ئېلىدە خىتاي ئىشلەپچىقارغان تەبىئىي گاز مىقدارى 15.5 مىليارد كۇب مېتىرغا يېتىپ، بۇلتۇرقىدىن 40 پىرسەنت ئۆرلىگەن.

تارىم نېفىتلىكى خىتاي دۆلەتلىك نېفىت گۇرۇھىنىڭ باشقۇرۇشىدا بولۇپ، 2006- يىلى 11 مىليارد كۇب مېتىر گاز ئىشلەپ چىقارغان ئىدى.

شىنخۇا ئاگېنتلىقىدا كۆرسىتىلىشىچە، خىتاي تارىم نېفىتلىكىدىن خىتاي ئۆلكىلىرىگە بۇ يىل كىرگەندىن باشلاپ 19- دېكابىرغىچە 12 مىليارد كۇب مېتىر تەبىئىي گاز توشۇپ كەتكەن بولۇپ، نېفىت شىركىتىنىڭ بىلدۈرۈشىچە، " غەربنىڭ گازىنى شەرققە يۆتكەش تۇرۇبا لىنىيىسى" بۇ يىل ئاخىرغىچە خىتايغا جەمئىي 13.7 مىليارد كۇب مېتىر تەبىئىي گاز يەتكۈزۈپ بۇلتۇرقىدىن 9.8 مىليارد كۇب مېتىر ئاشۇرىدىكەن.

تارىم نېفىتلىكىدىن باشلىنىپ خىتاينىڭ شاڭخەي شەھىرىدىكى بەيخې يېزىسىغا تۇتىشىدىغان 4200 كىلو مېتىرلىق بۇ تۇرۇبا لىنىيىسى ئەسلىدە يىلىغا 12 مىليارد كۇب مېتىر تەبىئىي گاز يۆتكەش ئىقتىدارىغا ئىگە قىلىپ لايىھىلەنگەن بولۇپ، بۇ يىل بۇ تۇرۇبا لىنىيىسى توشۇغان گاز بەلگىلىگەن چەكتىن ئېشىپ كەتكەن.

ئاشكارىلىنىشىچە، 560 مىڭ كۋادرات كىلومېتىر كەڭلىكتىكى تارىم ئويمانلىقىدا 526 مىليون توننا نېفىت زاپىسى ۋە 724 مىليارد كوب مېتىر تەبىئىي گاز زاپىسى بارلىقى ئىسپاتلانغان. (جۈمە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت