Pul - mu'amile waqti géziti: shinjangning néfit bayliqi Uyghurlarning ghezep nepritige pilte yaqti

En'giliye "pul - mu'amile waqti" gézitining muxbiri jüme küni korlidin xewer bérip, Uyghur élide néfit igilikining tereqqiyati Uyghurlargha menpe'et élip kelmey, ularning ghezep nepritige pilte yaqqanliqini bildürdi.
Muxbirimiz erkin xewiri
2008-08-29
Élxet
Pikir
Share
Print

 Xewerde 2000 - yildin 2007 - yilgha qeder tarim oymanliqidin qézilghan tebi'iy gaz miqdarining 20 hesse ashqanliqi, lékin néfit we tebi'iy gazdin kirgen kirimning sherqtiki rayonlargha yollan'ghanliqini ilgiri sürdi.

Xewerde eskertishiche, 2005 - yili rayondiki néfit - ximiye igilikidin kirgen omumi baj kirimi 14milyard 800 milyon yüen bolsimu, lékin shinjangdiki yerlik hökümetlerge aran 240 milyon yüen tegkenlikini bildürdi. Xewerde korlidiki bir yerlik kadirning bu jaydiki néfit shirketler toghrisida éytqan sözlirige yer bérilgen bolup, bu kadir" bizning ulargha gépimizni ötküzüshke hoquqimiz yetmeydu, ular peqet béyjingdiki xojayinliriningla gépini anglaydu," dep tekitligen.

Xewerde yene korlidiki bezi xitay köchmenlirining köz qarishigha yer bérilgen. Ata anisi 1950 ‏ - yillarda xunendin korlidiki bomba zawutida ishleshke ewetilgen shyé pemililik bir dukandar mundaq deydu: "nurghun Uyghurlar bu jayni özining dep qaraydu, lékin hazir ular bu jayda yat ademlerge aylinip qaldi ... Shunga ularning bezilirining buninggha nahayiti achchiqi bar. Ular kündin kün'ge awarigerchilik tughdurmaqta."

Xewerde Uyghurlarning néfit sahesidin pütünley yeklen'genliki, néfitliktiki töwen derijilik ishlarni qilidighan nahayiti az sandiki bir qisim Uyghurlardin sirt, bashqurush organlirida Uyghurlargha orun yoqliqini eskertti. Xewerde pénsiyige chiqqan ma pemililik bir xizmetchining mundaq dégenlikini yazidu": néfit shirkitining burghusida ishleydighan 2 Uyghur ishchi bar idi, lékin ular bashqa yerge yötkiwétildi. Chünki bashliqlar musulmanlarni bölgünchi yaki térrorist, dep oylaydu."

Toluq bet