Уйғур боксйор муһәммәд турсун олимпик тәнһәрикәт йиғиниға қатнишиш салаһийитигә еришти

2008-02-03
Елхәт
Пикир
Share
Принт

2-Айниң 1-күни банкокта өткүзүлгән бейҗиң олимпик тәнһәрикәт йиғиниға қатнишишни қолға кәлтүридиған асия бойичә уюштурулған бокс мусабиқисида муһәммәд турсун ғәлибә қилип, олимпиккә қатнишиш салаһийитигә еришти. У, 64 килограмлиқлар бойичә мусабиқигә чүшкән болуп, у, қирғизистанлиқ рәқибини йеңип, мәзкур салаһийәтни қолға кәлтүргән.

Өткән йили, америкиниң чикаго шәһиридә өткүзүлгән хәлқара мусабиқигә қатнашқан уйғур йигити ниҗат вә қазақ йигити қанатму ғәлибә қазинип, бейҗиң олимпик мусабиқисигә қатнишиш шәрипигә муйәссәр болди. Мәмәт турсун 2006-йили пүтүн хитай бойичә яш маһирлар мусабиқисида чемпийон болған иди.

Шинхуа ториниң хәвиригә асасланғанда, нөвәттә, уйғур дияридин ниҗат, муһәммәд турсун вә қанаттин ибарәт үч киши бокс бойичә олимпик мусабиқисигә қатнишиш шәрипигә еришкән болуп, бу қетим хитай 10 кишилик бокс командисини мусабиқигә қатнаштуриду. Бу хитай бокс тарихидики тунҗи иш болуп һесаблинидикән. Илгири өткүзүлгән сиднй вә афинадики олимпик мусабиқисигә абдурахман билән қанат айрим-айрим қатнашқан иди.

Бокс хитай үчүн йеңи тәнһәрикәт түри. Бу түрдә абдушүкүр тунҗи қетим хитай чемпийони болғандин тартип, уйғур маһирлири давамлиқ чемпийонлуқни сақлап кәлмәктә. Қазақистандики уйғурлар арисидинму бир қанчә нәпәр дуня вә явропа бокс чемпийонлири йетишип чиққан болуп, бир қисим мутәхәссислири мәзкур тәнһәрикәт түриниң уйғурларниң бәдән сапасиға уйғун келиш әвзәлликидин пайдилинип, уйғур райониниң бокс ишлирини тәрәққи қилдурушни оттуриға қоюшқан. (Үмидвар)

Пикирләр (0)
Share
Толуқ бәт