Хитайниң пиланлиқ туғут сиясити уйғурлар арисида нәтиҗисини көрсәтмәктә


2008-02-28
Share

Хитай мәтбуатлирида, уйғур аптоном райониниң 2007 ‏-йили " аз туғуп, тез бай болуш" қурулуши буйичә мукапатлаш сияситиниң әң яхши бир йили болғанлиқи тәшвиқ қилинмақта. Хәвәрдин ашкарилинишичә, өткән йили уйғур елидә 65 миң адәм аз туғулған.

" Аз туғуп, тез бай болуш " қурулушиниң принсипи буйичә 3 пәрзәнтлик болушқа йол қоюлған болуп, өз хаһиши буйичә 3 ‏- пәрзәнттин ваз кәчкән аилиләрни иқтисадий җәһәттә мукапатлаш шуниңдәк бу хил аилиләрниң пәрзәнтлириниң алий мәктәпкә қобул қилиниши үчүн номур қошуп беришкә охшаш мукапатлаш усуллирини қоллиниш арқилиқ башқиларниму аз пәрзәнт көрүшкә қизиқтуруш чарилири йолға қоюлмақта икән.

Хәвәрдин ашкарилинишичә, 2007 ‏- йилиниң ахириға қәдәр пүтүн уйғур аптоном райони буйичә пиланлиқ туғут шәрәп гуваһнамисиға еришкән аилә 1 милйон 8 миң 500 дин ашқан. Хитайниң пиланлиқ туғут сияситиниң, хитай даирилири тәрипидин аз санлиқ милләт дәп қариливатқан уйғурлар арисида иҗра қилиниши,чәтәлләрдә паалийәт елип бериватқан кишилик һоқуқ тәшкилатлириниң қаттиқ әйиблишигә дуч кәлмәктә.

Уйғур сиясий паалийәтчилириниң билдүрүшичә, " пиланлиқ туғут сиясити" хитайниң уйғурларни һәр хил чариләрни ишқа селип техиму аз санлиқ һалитигә чүшүрүш, уларни тил - мәдәнийәт вә маарип җәһәттә аҗизлаштуруп йоқ қилиш билән зич мунасивәтлик сиясәтләрниң бири һесаблинидикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт