Xitay hökümiti Uyghur aptonom rayonidiki her qaysi ali mekteplerde bir ayliq siyasiy heriket bashlidi

Xitay hökümitining 'shinjang géziti'ning ashkarilishiche, xitay hökümiti 4 ‏- ayning 17 ‏- künidin bashlap Uyghur aptonom rayonidiki her qaysi ali mekteplerde, oqughuchilargha siyasiy-idiyéwiy terbiye béridighan bir ayliq heriket bashlighan.

Uyghurlarghila qaritilghan bu siyasiy herikette "kommunist partiyini süyüsh, xitayni süyüsh, sotsi'alizimni süyüsh musabiqisi' élip baridiken. Bir qisim Uyghur ziyaliyliri buni 'xitay kommunist partiyisining Uyghurlargha séliwatqan siyasiy zulumi barghanséri éshiwatidu' dep tehlil qilmaqta.

Xongkongdiki uchur wastilirining bayan qilishiche, kommunist xitay hökümiti hazir tébetke qarita yumshaq qolluq, Uyghurlargha bolsa qattq qolluq siyaset qollanmaqta. Uyghurlargha qaritilghan siyasetlerni begilesh üchün, siyasiy byuroning da'imi ezasi logen, mu'awin bash ministir xuy lyangyü, Uyghur aptonom rayon sékritari wang léchu'endin ibaret üch kishidin terkip tapqan 'shinjang guruppisi' qurghan. (Weli)