Dagungbaw " shinjang qurulushi" programmisining xitayni bi'aram qilghanliqini yazdi


2007.06.22

Xongkongdiki "dagungbaw" géziti, amérika jon xopkins uniwérsitéti teripidin shinjang qurulushi, dégen programmigha asasen yézilghan " xitayning musulmanlar chigrisi - shinjang" dégen eser, ilmiy sahediki bir tetqiqat esiri bolushtin, emdi amérika siyasiy sehnisidiki erbaplargha tesir körsitidighan qollanma süpitide ünüm bérishke bashlighanliqini bildürdi.

Xewerde, prézidént bushning 5 - iyun küni pragada Uyghur rehbiri rabiye qadir bilen körüshkenliki shinjang qurulushining amérika siyasiy sehnisidiki erbaplargha singip kiriwatqanliqining bishariti, dep tekitlen'gen.

Xewerde yene, shinjang qurulushi amérika hökümitining hawalisidiki tetqiqat témisi bolsimu, lékin xitaylarning bu qurulush amérika siyasiy sahesidiki erbaplargha shundaqla amérikining shinjang siyasitige tesir körsitishi mumkin, dep bi'aram boluwatqanliqini bildürdi. " Dagungbaw" gézitining eskertishiche, "xitayning musulmanlar chigrisi - shinjang," dégen bu eserde, Uyghur aptonom rayonining tarixi 1884 - yili ölke qurulushtin burunqi we kéyinki ikki dewrge ayrilghanliqi, ölke qurulushtin burun Uyghur élining ezeldin tartip xitay zémini bolup baqmighanliqi, 1884 - yildin kéyinki dewr bolsa xitayning mustemlikichilik dewri, dep qaralghanliqi yézilghan.

"Dagungbaw" géziti yene," shinjang qurulushining yétekchi idiyiside junggoning shinjangdiki igilik hoquqida zor qanuniy mesile mewjüt, deydighan pikir ilgiri sürülgen . Bu mesile amérika junggoning ichki ishlirigha arilishish, waqti kelgende junggoni parchilash we shinjangni junggodin ayrip chiqip kétishke nezeriyiwiy asas yaritip bérishi mumkin" deydu. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.