Xitay Uyghur tibabet dorilirigha bolghan süpet kontrolluqini kücheytmekte

2006-03-26
Élxet
Pikir
Share
Print

Xewerlerge qarighanda Uyghur tibabet dorilirini ishlep chiqirish ishliriyéqinqi yillardin buyan téximu téz sürette tereqqi qilishqa bashlighan shuningdek Uyghur tibabet dorilirini ishlep chiqirish ishlirigha hetta xitay sodigerlirimu meblegh sélip, uning xitayning ichkiri ölkiliri we chet'ellerge sétilishini qolgha keltürmekchi bolghan.

Xitay tibbiy da'iriliri Uyghur tibabet dorilirigha shuningdek ishlep chiqirish xadimlirigha bolghan süpet kontrolluqinimu kücheytken bolup, xitayning shinxu'a agéntliqining uchuridin qarighanda, yéqinda Uyghur diyaridiki eng chong Uyghur tibet doriliri ishlep chiqirish shirkiti hésablinidighan xoten Uyghur tibabet doriliri hessidarliq shirkitige qarita dorilarning ishlep chiqirish süpet ölchimi yürgüzgen. Xewerde éytilishiche, dora zawutidiki süpet tekshürüsh xadimlirigha qarita terbiyilesh élip barghan.

Xewerde 2500 yilliq tarixqa ige Uyghur tibabet dorigerlikining junggo en'eniwi tibabet dorigerlikining asasliq terkibi qisimi ikenlik ikörsitilgen. Elwette, xitay mutexessisliri ilgiridinla ottura asiya tibabet en'eniliri bilen zor ortaqliqqa ige, ottura asiya xeqlirige oxshashla ibin sinaning tibbiy nezeriyilirini asas qilghan Uyghur tibabitini junggo tibabitining bir qisimi dep qarap, uning ottura tüzlenglik xitay en'eniwi tibabitining tesirige uchrighanliqini ispatlashqa tirishidu.

Ismini ashkarilashni xalimighan bir Uyghur tibabet xadimining xadimning inkas qilishiche, xitay tibbiy mutexxesisliri xelq ichidiki köpligen Uyghur tibabet rétséplirini we Uyghurlargha melum doriliq ösümlükler we bashqilarni toplap, uni xenzu tibabiti katigoriyisige kirgüzgen hemde bir qisim rétsipler we dorilarning igidarchiliqini qolgha kirgüzüwalghan iken. Hazir Uyghur élide 40 nechche Uyghur tibabet orni bar iken.(Ümidwar)

Pikirler (0)
Share
Toluq bet