Xitay emeldari, Uyghurlar we tibetlerning bölünüsh herikiti dawam qiliwatqanliqini bildürdi

Xitay döletlik milliy ishlar komitétitining mu'awin mudiri wu shimin, Uyghurlar bilen tibetlerning bölünish yolida dawamliq heriket qiliwatqanliqini bildürdi.

Birleshme axbarat agéntliqining xewer qilishiche, wu shimin " bu yerde tibet musteqilliqini shundaqla sherqiy türkistan musteqilliqini öz ichige alghan az sandiki chékidin ashqan guruppilarning dawamliq pa'aliyet élip bériwatqanliqini hemme adem bilidu," dep körsetken. Biraq wu shimin, az sandiki chékidin ashqan atalmish bu guruppilarning ismini tilgha almighan.

Xitay hökümiti Uyghur aptonom rayonida sherqiy türkistan musteqilchi küchlirige qarshi küresh élip bériwatqanliqini eskertip kelmtekte. Birleshme axbarat agéntliqi bügünki xewiride, "gerche xitay hökümiti 3 yilning aldida sherqiy türkistan islam herikitini osama bin ladén'gha baghlighan bolsimu biraq, ular bu köz- qarishini ispatlaydighan héchqandaq pakitni otturigha qoyalmidi, dep yazdi.

Birleshme axbarat agéntliqining bildürüshiche, diplomatlar shundaqla chet'ellik mutexessisler, Uyghur aptonom rayonida yüz bergen partlash weqelirini shexsiy öch élish herikiti, dep qaraydiken. Amma wu shimin, " bölgünchiler özining millitini öz ichige alghan pütün xitay xelqighe qarshi unsurlar, dep atighan. Wu shimin, bu sözlerni dushenbe küni béyjingda muxbirlargha tekitligen. Biraq merkizi gérmaniyidiki dunya Uyghur qurultiyining bayanatchisi dilshat rishit, wushiminning sözlirini ret qildi. U, "Uyghur öz teqdirige özi ige bolush yolida küresh qiliwatidu," dep körsetti. (Erkin)