Washin'gtonda rabiye qadir xanimni kütiwélish murasimi ötküzüldi


2005-05-19
Share

Amérika Uyghurliri birleshmisi we xelq'ara tibet herikiti peyshenbe küni birlikte, ataqliq Uyghur kishilik hoquq pa'aliyetchisi rabiye qadir xanimning amérikigha kelgenlikini qarshi élish murasimi ötküzdi.

Xelq'ara tibet herikitining washin'gtondiki yéngi xizmet binasida ötküzülgen mezkur murasim, yene amérikidiki dangliq parlamént ezalisi tom lentos, frengk wolf, amérikining sabiq yardemchi tashqi ishlar ministiri lorin küreynér qatarliq erbaplarning qollap teshkillishide ötküzülgen.

Murasimgha frengk wolf qatarliq amérika parlamént ezaliri, amérika tashqi ishlar ministirliqining xadimliri,amérika sabiq yardemchi tashqi ishlar ministiri, xelq'ara jumhuriyetchiler inistétotining prézidénti lorin küreynér, xelq'ara kishilik hoquq teshkilatlirining wekilliri, xelq'ara tibet herikiti we amérika Uyghurliri birleshmisining ezaliri qatnashti. Murasimgha yene, dunya Uyghur qurultining re'isi erkin aliptikin ependimu qedem teshrip qildi. Murasimgha qatnashquchilar, rabiye qadir xanimning xitay türmisidin chiqip amérikigha kelgenlikini qizghin qarshi aldi.

Rabiye qadir xanim murasimda söz qilip, amérika hökümitining, özini erkinlikke érishturush yolida körsetken tirishchanliqlirigha chongqur minnetdarliqini bildürdi hemde amérikida Uyghurlarning kishilik hoquq weziyitini yaxshilash üchün dawamliq pa'aliyet élip baridighanliqini körsetti. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet