Uyghur tijaretchiler her xil heqsizliqlargha duch kelmekte

5‏ - Ayning 22 ‏ - küni gu'angdung ölkilik hökümet binasi aldida 50 ke yéqin Uyghur erizdar ténch yosunda, özlirining xitay ölkiside duch kéliwatqan tengsizlikliri üstidin naraziliq bildürüp namayish qilghan.
Muxbirimiz eqide xewiri
2008.05.27

 Istansimizgha bu heqte gu'angdungdin biwaste uchur bergen bir Uyghur, weqening xotenning kériye nahiyiside xitay tijaretchilerge, 200 ming yüenlik "toshqan zediki" sétip, uning pulini alalmighanliqi seweblik meydan'gha kelgenlikini bildürüp, 50 ke yéqin Uyghurning kériyidin gu'angjugha yétip kelgenlikini, biraq ularning weqe üstide sürüshtürüsh élip bérish iltimasining hazirche netijisiz xulasilan'ghanliqini ashkarilidi.

Muxbirimizning ichkirilep igiligen melumatidin qarighanda, gu'angdungdiki munasiwetlik orunlar, kériyidin kelgen asasliqi yashan'ghan kishilerdin terkip tapqan erizdarlarning dawasini 6 ‏ay ichide bir terep qilip bérishke wede qilip, ularni yolgha sélip qoyghan.

Xitayning ölkiliride tijaret qiliwatqan Uyghur tijaretchiler bolsun we yaki Uyghur élida xitay tijaretchilerge mal satqan Uyghurlar bolsun, her xil heqsizliklerge duch kéliwatqanliqi melum bolmaqta. 3 ‏ - Ayning bashliri xotenlik qash téshi tijaretchisi mutellip hajim, saqchilar teripidin urup öltürülgen gunahsiz Uyghur tijaretchilerdin biri hésablinidu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.