Қазақистандики тунҗи уйғур тили дәрслики


2005.10.16

Қазақистандики сулайманоп намидики шәрқшунаслиқ институтиниң қармиғидики уйғуршунаслиқ мәркизиниң мәлумат беришичә, мәзкур мәркәзниң илмий хадими, тилшунас дилнур қасимова ханимниң "уйғур тилини өзлүкидин өгиниш" намлиқ китаби йеқинда нәшир қилинип тарқитилған һәмдә 30 –сентәбир күни мәхсус бу китаб һәққидә музакирә елип берилип, мутәхәссисләрниң яхши баһасиға еришкән.

"Уйғур тилини өзлүкидин өгиниш" намлиқ бу чоң һәҗимлик китаб мәхсус рус тилида сөзлишидғанлар үчүн тәйярланған болуп, мәзкур китабта уйғур тили рус арқилиқ чүшәндүрүлгәнлиги үчүн у, ялғуз рус тиллиқ милләтләр үчүнла әмәс бәлки, қазақистан, қирғизистан, русийә қатарлиқ дөләтләрдә яшап, кичикидинла рус тилида оқуған уйғурларниңму өз ана тилини өгиниш үчүн муһим пайдилиниш вә дәрслик китаблиқ ролини ойниған.

Мутәхәссисләрниң билдүрүшичә, бу китаб қазақистан қатарлиқ мустәқил дөләтләр һәм достлуқи әллири бойичә тунҗи қетим түзүлгән уйғур тили өгиниш китаби болуп, уйғурлар узундин буян әнә шундақ бир китабниң мәйданға келишини, бу арқилиқ өз пәрзәнтлириниң ана тилини игилишини үмид қилған икән.

Қазақистан һөкүмәт мәлуматлириға қариғанда, һазир қазақистанда 300 миңдин артуқ уйғур яшайду. Әмма, уйғурларниң ейтишичә, әмәлийәттә уйғурларниң сани буниңдин хелила көп. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.