Qazaqistandiki tunji Uyghur tili dersliki


2005.10.16
Share on WhatsApp
Share on WhatsApp

Qazaqistandiki sulaymanop namidiki sherqshunasliq institutining qarmighidiki Uyghurshunasliq merkizining melumat bérishiche, mezkur merkezning ilmiy xadimi, tilshunas dilnur qasimowa xanimning "Uyghur tilini özlükidin öginish" namliq kitabi yéqinda neshir qilinip tarqitilghan hemde 30 –séntebir küni mexsus bu kitab heqqide muzakire élip bérilip, mutexessislerning yaxshi bahasigha érishken.

"Uyghur tilini özlükidin öginish" namliq bu chong hejimlik kitab mexsus rus tilida sözlishidghanlar üchün teyyarlan'ghan bolup, mezkur kitabta Uyghur tili rus arqiliq chüshendürülgenligi üchün u, yalghuz rus tilliq milletler üchünla emes belki, qazaqistan, qirghizistan, rusiye qatarliq döletlerde yashap, kichikidinla rus tilida oqughan Uyghurlarningmu öz ana tilini öginish üchün muhim paydilinish we derslik kitabliq rolini oynighan.

Mutexessislerning bildürüshiche, bu kitab qazaqistan qatarliq musteqil döletler hem dostluqi elliri boyiche tunji qétim tüzülgen Uyghur tili öginish kitabi bolup, Uyghurlar uzundin buyan ene shundaq bir kitabning meydan'gha kélishini, bu arqiliq öz perzentlirining ana tilini igilishini ümid qilghan iken.

Qazaqistan hökümet melumatlirigha qarighanda, hazir qazaqistanda 300 mingdin artuq Uyghur yashaydu. Emma, Uyghurlarning éytishiche, emeliyette Uyghurlarning sani buningdin xélila köp. (Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.