Xitay Uyghur uchquchilirining ishtin toxtitilghanliqi mesilisi heqqide inkas bildürdi

Xitay da'iriliri, xitay hawa yollirining üch Uyghur uchquchisini ishtin toxtitip qoyghanliqi toghrisidiki xewerlerni ret qildi.
Muxbirimiz eqide xewiri
2008-08-20
Share

 Xitay awi'atsiye idarisining mu'awin bashliqi li jyen seyshenbe küni bayanat élan qilip, chet'el metbu'atlirida Uyghur uchquchilarning ishtin toxtitip qoyulghanliqi toghrisida chiqqan xewerlerni ret qilip," pütün uchquchilar xenzu yaki Uyghur bolsun waqit jedwili buyiche ishlewatidu " dédi.

Xitay hawa yollirida uch Uyghur uchquchining ishleydighanliqini eskertken li jyen, ababekri memet, eli iminniyaz we dolqun isimlik bu uchquchilarning kündilik wezipisini dawamlashturuwatqanliqini bildürdi.

Düshenbe küni en'gliyide chiqidighan meshhur taymiz géziti, xitay da'irilirining xitay hawa yollirida ishleydighan üch Uyghur uchquchini olimpik bixeterlikini seweb körsitip, ishtin toxtitip qoyghanliqini xewer qilghan idi. Taymiz géziti xitay awi'atsiye idarisining bir xadimining sözini neqil keltürüp, Uyghur élidiki hawa yollirida ishleydighan Uyghur kütküchilerning xizmet orunliri yötkilip xitaydiki bashqa rayonlarda uchidighan ayropilanlarning xizmitige almashturulghanliqini eskertken idi.

Taymiz gézitining mezkur xewiri xelq'ara jama'etning diqqitini qozghighan we Uyghur teshkilatliri xitay da'irilirining Uyghur uchquchilarni xizmettin toxtitish qararini, xitay hökümitining Uyghurlargha qaratqan kemsitish siyasitining ispati dep körsetken idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet