Үрүмчи җамаәт хәвпсизлик идариси сирттин кәлгәнләрни нопусқа елишқа кәң йол ачти

 Униңда ейтилишичә, үрүмчидә оқуш истаҗиға қарита, той қилғанларға қарита бурун қоюлған чәклимиләр һазир асанлаштурулған. Буниң билән сирттин кәлгәнләрниң нопусқа елинишиға техиму кәң йол ечилған. Әмма өй сетивалғучиларға қарита йәнә бир шәрт қошулған.

Хәвәрдә баян қилинишичә, башқа җайлардин келип үрүмчидә оқуш пүттүргәнләрниң қолида алий мәктәп толуқ курс, алий техником, радио - телевизийә университети, мәхсус техникомларни пүттүргән яки өзи өгинип имтиһандин өткән дипломи болсила вә бир йилдин артуқ вақиттин буян иҗтимаий суғуртиға пул төләватқанлиқини испатлиялиса нопусқа еливиридикән.

Той қилғанларға қарита бурун елан қилинған 'төт йилдин кейин нопусқа илтимас қилалайду' дегән бәлгилимә әмәлдин қалдурулған. Һәрбийләрниң бала - чақилирини нопусқа елиш җәһәттики бурунқи чәклимиләр пүтүнләй әмәлдин қалдурулған.

Әмма, пәқәт сирттин келип үрүмчидә өй сетивалғучиларниң нопусқа елинишиға бир муһим чәклимә қошулған. Үрүмчи җамаәт хәвпсизлик идариси бу қетим елан қилған йеңи нопус сияситигә қариғанда, сирттин келип өй сетивалғучилар үрүмчидә иҗитмай суғурта төләватқанлиқиға икки йилдин ашқанлиқини испатлиялиса, андин нопусқа илтимас қилалайдикән.