Исмаил тиливалди қазақистанлиқ уйғур вәкилләр өмикини күтүвалди


2005.08.16
Share on WhatsApp
Share on WhatsApp

16 -Авғуст күни әтигән уйғур аптоном райониниң рәиси исмаил тиливалди, 7 кишидин тәркип тапқан қазақистанлиқ уйғур вәкилләр өмикини күтүвалди.

Бу вәкилләр өмики "қазақистан җумһурийәтлик мәдәнийәт мәкизи" ниң рәиси әхмәтҗан шәдиноф, мәзкур бйору әзаси вә қазақистандики атағлиқ карханичи дилмурат қозийеф, қазақистан уйғур тиятириниң дериктори атағлиқ хәлқ артиси мурат әхмәди вә медитсина саһисидә көзгә көрүнгән шәхс алкамоф ришит қатарлиқлардин тәшкил тапқан.

Исмаил тиливалди күтүвелиш йиғинида бу өмәк вәкиллиригә, қазақистанниң уйғур елигә чегридаш район икәнликини, шундақла уйғур ели иқтисади һазир тез сүрәттә тәрәққий қиливатқан болуп, хитай-қазақистан оттурисидики сода алақисиниңму барғансери күчийиватқанлиқини билдүрди. У сөзидә йәнә, " биз силәрниң ана юртуңларға келишиңларни вә бу йәргә мәбләғ селишиңларни қарши алимиз. Биз силәрниң бихәтәрликиңләр вә қанунлуқ һоқуқиңларни яхши қоғдаймиз" деди.

Қазақистанлиқ уйғур вәкилләр өмикиниң башлиқи дилмурат қузийеф исмаил тиливалдиниң сөзлиригә җавабән, қазақистанниңму һазир хитайдин өгинип иқтисатни тәрәққий қилдурушқа күчәватқанлиқини тәкитләп "йеқинқи йиллардин буян хитай билән қазақистан оттурисидики сода мунасивәт күндин-күнгә йеқинлишиватиду. Хитайниң қудрәт тепиши, бизниңму пәхримиз. Икки дөләтниң иқтисадий вә мәдәнийәт алақиси арқилиқ, икки дөләтниң достлуқини мәңгүлүк қилишму бизниң бу йәргә келишимиздики бир муһим мәқсәт" дәп билдүрди.

Бу вәкилләр өмики 15 - авғуст күни қазақистандин уйғур елигә қарап йолға чиққан болуп, улар уйғур елидә җәмий 15 күн зиярәттә болидикән. Шундақла улар бу җәрянда үрүмчи, қәшқәр вә ғулҗа шәһәрлиригә берип, бу йәрдики йәрлик һөкүмәт әмәлдарлири вә тиҗарәтчи, сәнәтчиләр билән көрүшидикән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт