Edliye saqchi mektipi 20 ‏- séntebir weqesidin kéyin keng - kölemde tertipke sélin'ghan


2007.10.12

Bu yil 9 - ayda " shinjang edliye saqchi mektipi"de yüz bergen Uyghur oqughuchilar bilen xitay oqughuchilarning kolliktip urushush weqesidin kéyin, da'iriler jüme küni xitay metbu'atlirigha tunji qétim bu weqe toghrisida melumat berdi we weqedin kéyin edliye saqchi mektipining keng - kölemlik tertipke sélin'ghanliqini bildürdi.

Tengritagh tor ponkiti muxbirining eskertishiche, u edliye saqchi mektipige kirse, oqughuchilargha "gherbiy yurt" we "shinjang" dégen atalghu chüshendürülüwatqanliqini körgen. 20 ‏- Séntebir weqesi edliye saqchi mektipidiki bir magizinda ikki Uyghur oqughuchi bilen ikki xitay oqughuchi arisida yüz bergen talash tartishtin kélip chiqqan bolup, weqe nahayiti tézla mekteptiki xitay - Uyghur toqunushigha aylan'ghan idi.

Edliye saqchi mektipi partkomining wang pemililik sékritari, weqedin kéyin mektepning keng kölemde tertipke sélin'ghanliqini shundaqla weqede mekteptiki nurghun mesililer otturigha chiqqanliqini bildürgen bolsimu ,lékin u weqege munasiwetlik tereplerning qandaq bir terep qilin'ghanliqini tilgha almidi.

Wangning eskertishiche, weqede 49 adem yarilan'ghan bolup, buning ichide 6 kishining yarisi éghir iken. Bu weqe milliy oqughuchilar bilen xitay oqughuchilar arisidiki milliy toqunush bolsimu , lékin wang weqeni oqughuchilar arisidiki kolliktip mushtlishish weqesi dep atidi. Da'iriler eyni chaghda toqunush yüz bergenlikini ret qilghan bolsimu ,lékin bu weqe xelq'ara metbu'atlarning diqqitini qozghighan idi. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.