Xitay Uyghur élidiki 21 nuqtiliq yadikarliq ornini qutquzush meblighi ajratti

Uyghur élidiki yipek yoli medeniy yadikarliq orunlirini qutquzush hemde qoghdash üchün xitay da'iriliri 240 milyon ajritidiken.
Muxbirimiz gülchéhre
2008-09-16
Share

 Mezkür meblegh türige yipek yolining Uyghur éli bölikidiki 21 medeniy yadikarliq orni nuqtiliq orun qilip kirgüzülgen bolup ular asasen tarim oymanliqining sherqiy we shimaliy rayonliri, qeshqer, xoten, turpan wilayetlirige merkezleshken qedimiy yadikarliq iznaliri iken.

Uyghur éli medeniyet yadikarliqliri tetqiqatliri bilen shughulliniwatqan bezi alim hem mutexessislerning bildürüshiche, gerche xitay da'iriliri Uyghur élidiki qedimiy medeniyet yadikarliq orunlirini rémont qilish hem qoghdashni 11 - besh yilliq pilan'gha kirgüzgen hem mexsus meblegh ajratqan bolsimu, meblegh jayigha ishlitilmigendin sirt, esli muhim bolghan yeni Uyghur élide qedimdin yashap ötken xelqlerning medeniyet izlirini qoghdash ishlirigha étibar bérilmey, eksiche bu xil ehmiyet bérish yéqinqi tarixlargha a'it yeni köchmen milletler tarixi izlirigha da'ir yadikarliqlarni gewdilendürüshke qaritilmaqta iken.

Hetta qeshqerdiki mehmud qeshqiri hemde yüsüp xas hajip meqberilirimu yerlik da'iriler teripidin sayahetchilikke échish üchün bezi xitay meblegh salghuchilargha höddige bérilgenliki melum bolghan idi. Eksiche, yéqinda qeshqerde ziyarette bolghan türkiye dölet soda ishliri ministiri kurshat tüzmen, türükshunash alim mehmud qeshqiri meqberisini rémont qilish hem qoghdashqa küch chiqiridighanliqini hödde qilghan idi.


Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet