Nyuyork shehiridiki xitayda kishilik hoquq teshkilati Uyghur yazghuchisi nurmuhemmetning teqdirini sürüshtürdi


2007-08-27
Share

Merkizi amérikining nyuyork shehiridiki xitayda kishilik hoquq teshkilati 24‏- awghust küni bir bayanat élan qilip, xitay hökümitidin türmidiki Uyghur yazghuchisi nurmuhemmet yasinning salametliki heqqide xelq'ara jama'etke melumat bérishini telep qildi.

Bayanatida nurmuhemmet yasinning türmide qéyin-qistaq astida ölgenliki heqqide, éniqlanmighan xewerler otturigha chiqqanliqini eskertken xitayda kishilik hoquq teshkilati, béyjingda turushluq chet dölet bash elchixanilirini hemde b d t ning qéyin-qistaqqa qarshi turush komitétining re'isini xitay hökümiti bilen körüshüp nurmuhemmet yasin mesilisini otturigha qoyushqa shundaqla nurmuhemmet yasinning salametlikini éniqlash üchün, xitay hökümitidin uni türmide ziyaret qilishni telep qilishqa chaqirdi.

Uyghur sha'ir we yazghuchisi nurmuhemmet yasin 2004 ‏- yili noyabir éyida qeshqer edebiyati zhurnilida " yawa kepter" namliq qisqa bir hékaye élan qilghanliqi üchün shu yili 29 ‏- noyabir küni xitay hökümiti teripidin atalmish " döletni parchilashqa qutratqan" dégen jinayet bilen eyiblinip qolgha élin'ghan.

Qeshqer ottura sot mehkimisi 2005‏- yili féwral éyida nur muhemmet yasin üstidin yépiq sot ichip uni 10 yilliq qamaq jazasigha höküm qilghan . Xitay hökümitining nurmuhemmet yasinni 10 yilliq qamaq jazasigha höküm qilghanliqi xelq'ara jama'etning qattiq naraziliqini qozghighan idi.

Yéqinqi künlerde, nurmuhemmet yasinning türmide xitay saqchiliri teripidin urup öltürülgenliki heqqide xewerler tarqalghan bolsimu, lékin hazirghiche bu xewerlerning rast yaki yalghanliqi éniqlanmighan. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet