Mesh'el kötürüshke bir tajik mollammu békitilgen

 Melum bolushiche, mezkur mesh'el yetküzüsh pa'aliyitining qeshqer teweside ötküzülidighan bölikide mesh'el kötürgüchilermu belgilinip bolghan hemde bularning ichide poskam nahiyisidin bolghan tajik mollam eziz ablizmu bar.

Tengritagh torida xewer qilinishche, "eziz abliz wetenperwer diniy zat bolup, bu kishi her da'im namaz waqtida, xitay kompartiyisining yönilish, körsetme we siyasetlirini öz diniy teblighlirige qoshup teshwiq qilghan hemde "ammini hizbul tehrir teshkilatining eksil'inqilabiy mahiyitini tonup yétishke heydekchilik qilghan we dinni sotsiyalizmgha maslashturushqa yéteklesh jehetlerde köplep töhpe qoshqan" kishi iken.

Xitayning mezkur olimpik munasiwiti bilen Uyghur élini üsti ochuq türmige aylandurghanliqini, xitayning mushundaq yasalma murasimlar arqiliq saxta körünüsh hasil qilishqa urunuwatqanliqini bildürgen dunya Uyghur qurultiyi bayanatchisi dilshat rishit, xitayning bu tajik mollamgha olimpik mesh'ilini tutquzushidiki gherizi heqqide toxtaldi we "shundaq qilish arqiliq xitay, birinchidin xelq'aragha Uyghur élide diniy zatlarning qedirlinidighanliqini körsitish arqiliq Uyghur élide élip bériwatqan diniy basturush heriketlirini yoshurush, ikkinchidin, weten ichidiki atalmish diniy zatlargha ülge tiklesh" dep körsetti.

Aldin belgiliginidek, béyjing olimpik mesh'ilini yetküzüsh pa'aliyiti 6 - ayning 26 - küni Uyghur élining qeshqer teweside ötküzülidu.