Көнәс наһийиси орган кадиридин 10 миңни "асасий қатлам" ға чүшүргән


2008-03-05
Share

Шинҗаң радиоси тор бетидә елан қилинған хәвәргә қариғанда, бу қетим талланған 10 миң кадир кәнт, мәһәллә, карханиларға берип зиддийәт ‏- маҗираларни тәкшүрүп, амминиң әмәлий қейинчилиқини һәл қилип, амминиң тәрәққият тәсәвүрини пиланлап, түрлүк ишларниң тәрәққиятини илгири сүрүшигә ярдәм беридикән.

Җүмлидин, йезиларға чүшкән кадирларниң йетип қопуши вә тамиқи деһқанлар аилисидә болидикән һәмдә деһқан- чарвичиларға тамақ ятақ пули берип, қийинчилиқи бар амминиң ишләпчиқириш, турмушидики бирдин- иккигичә қейинчилиқини һәл қилишиға ярдәм беридикән. Паалийәтниң рәсмийәт болуп қалмаслиқиға капаләтлик қилиш үчүн, күнәс наһийиси 11 хизмәт гурупписи вә 11 тәкшүрүш гурупписи қурған.

Чәтәлләрдә паалийәт елип бериватқан уйғур тәшкилатлириниң билдүрүшичә, кичиккинә бир наһийидә он миңлиған дөләт кадирлириниң деһқанларниң өйигә йәрлишиши һәмдә хәлқниң йүрүш ‏- турушини кечә ‏- күндүз назарәт қилиши, хәлққә еғир иқтисади бесим шәкилләндүрүпла қалмастин, бәлки сиясий җәһәттинму көп наразилиқларниң мәйданға келишигә сәвәбчи болуши мумкин икән. Чүнки деһқанлар бу кадирлардин тамақ пули елишқа питиналмайдикән һәмдә қорқуп һечқандақ паалийәт елип баралмайдикән.

Бәзи уйғур паалийәтчилириниң ейтишичә, хитай һөкүмитиниң бу һәрикити, уйғур деһқанлириға пәқәтла ишәнмәйдиғанлиқини испатлапла қалмастин, хитай кадирлириниң деһқанлар аилисидә йетип қопуши, уйғур деһқанлириниң диний вә миллий әнәнилиригә хилап болуп, уйғур деһқанлириниң миллий вә диний туйғулирини қаттиқ рәнҗитидиған бир һәрикәт һесаблинидикән. (Өмәр қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт