Könes nahiyisi organ kadiridin 10 mingni "asasiy qatlam" gha chüshürgen


2008-03-05
Share

Shinjang radi'osi tor bétide élan qilin'ghan xewerge qarighanda, bu qétim tallan'ghan 10 ming kadir kent, mehelle, karxanilargha bérip ziddiyet ‏- majiralarni tekshürüp, ammining emeliy qéyinchiliqini hel qilip, ammining tereqqiyat tesewürini pilanlap, türlük ishlarning tereqqiyatini ilgiri sürüshige yardem béridiken.

Jümlidin, yézilargha chüshken kadirlarning yétip qopushi we tamiqi déhqanlar a'iliside bolidiken hemde déhqan- charwichilargha tamaq yataq puli bérip, qiyinchiliqi bar ammining ishlepchiqirish, turmushidiki birdin- ikkigiche qéyinchiliqini hel qilishigha yardem béridiken. Pa'aliyetning resmiyet bolup qalmasliqigha kapaletlik qilish üchün, künes nahiyisi 11 xizmet guruppisi we 11 tekshürüsh guruppisi qurghan.

Chet'ellerde pa'aliyet élip bériwatqan Uyghur teshkilatlirining bildürüshiche, kichikkine bir nahiyide on minglighan dölet kadirlirining déhqanlarning öyige yerlishishi hemde xelqning yürüsh ‏- turushini kéche ‏- kündüz nazaret qilishi, xelqqe éghir iqtisadi bésim shekillendürüpla qalmastin, belki siyasiy jehettinmu köp naraziliqlarning meydan'gha kélishige sewebchi bolushi mumkin iken. Chünki déhqanlar bu kadirlardin tamaq puli élishqa pitinalmaydiken hemde qorqup héchqandaq pa'aliyet élip baralmaydiken.

Bezi Uyghur pa'aliyetchilirining éytishiche, xitay hökümitining bu herikiti, Uyghur déhqanlirigha peqetla ishenmeydighanliqini ispatlapla qalmastin, xitay kadirlirining déhqanlar a'iliside yétip qopushi, Uyghur déhqanlirining diniy we milliy en'enilirige xilap bolup, Uyghur déhqanlirining milliy we diniy tuyghulirini qattiq renjitidighan bir heriket hésablinidiken. (Ömer qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet