Amérikidiki diniy jama'etler albaniyidiki Uyghurlargha i'ane toplash pa'aliyiti élip bardi


2007-05-25
Share

Amérikining marilan shtati jérmantawn shehiridiki nikolas chérkawi bilen bu yerdiki musulman jama'iti birliship, aldinqi yili gü'antanamo türmisidin qoyup bérilgen we albaniyege orunlashturulghan Uyghur musapirlargha i'ane toplash pa'aliyiti élip bardi.

Nikolas chérkawining xristyan muxlisliri bilen jérmantawndiki musulman jem'iyiti 5 - ayning 12 - küni albaniyidiki Uyghur musapirlarning turmushini tertipke séliwélishi üchün élip barghan i'ane toplash pa'aliyitide jem'iy 5 ming dollar toplighan bolup, bu pul yéqinda amérika Uyghur jem'iyiti arqiliq albaniyidiki Uyghurlarning qoligha tapshurulghan.

Bu qétimqi pa'aliyetni uyushturghuchi nikolas chérkawining bash rahibi kén wurd ependi, özide Uyghur musapirlirigha yardem bérish pikiri gü'antanamodiki Uyghur tutqunlarning adwukati seybén wéllitning "washin'gton pochta géziti" ge yazghan Uyghurlar heqqidiki bir parche maqalisini oqughandin kéyin shekillen'gen.

Kén wurd ependi, radi'omiz muxbirimizning ziyaritini qobul qilghanda albaniyidiki Uyghurlarning turmush shara'itini tertipke séliwélish üchün pulgha éhtiyaj ikenlikini we shunga bu yerdiki musulmanlar bilen birliship bu pa'aliyetni uyushturghanliqini bildürdi.

Bash rahib kén wurd burunmu amérikidiki 9 xristyan chérkawining bash rahiplirigha yitekchilik qilip, gü'antanamodiki Uyghurlarni qoyup berse ige bolidighanliqi heqqide eyni chaghdiki amérika dölet mudapi'e ministiri donald ramisfildke xet yazghan. Lékin ramsféld, yardemge éhtiyaj tughulghanda ularni xewerdar qilidighanliqini eskertip bu telepni ret qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet