Уйғурлар йәнә бастуруш нишани қилип талланди


2007-09-07
Share

Хитай даирилири җүмә күни, келәр айда чақирилидиған компартийә 17 - қурултийидин бурун, җинайи һәрикәтләр вә һакимийәтни тәнқид қилидиған өктичи күчләргә қарши мәмликәт характерлик кәң - көләмлик бастуруш һәрикити қозғайдиғанлиқини җакарлиди.

Бирләшмә агентлиқиниң хәвәр қилишичә, хитай җ х министири җав юңкаң, министирлиқиниң партийә гуруппа йиғинида сияси вә иҗтимаий муқимлуқни қоғдаш сақчи күчлириниң партийә қурултийи мәзгилидики түп вәзиписи вә бу җәрянида зәрбә бериш, алдини елиш вә назарәт қилиш күчәйтилидиған нишанлар хитайниң мәмликәт ичи вә сиртидики "дүшмән күчләр" дәп тәкитлигән. Җав, зәрбә бериш, алдини елиш вә назарәт қилиш күчәйтилидиған " дүшмән күчләр" ниң кимләрни көрситидиғанлиқини алаһидә әскәртип, "миллий бөлгүнчиләр, диний әсәбийләр вә зораван террорчи күчләр " деди вә фалунгоң мәзһипини бастурулидиған "хурапий гуруһлар"сүпитидә тилға алди.

Хитай компартийисиниң 17 ‏- қурултийи 10 - айниң 15 - күни башлинидиған болуп, мәзкур қурултай хитай дөләт рәиси ху җинтавниң келәр 5 йил ичидә йолға қоюдиған сияситини бәлгиләйду.

Хитай һөкүмити уйғур сиясий өктичилирини, мустәқилчи күчләрни вә охшимиған көз қараштики диний затларни "миллий бөлгүнчи, террорчи, диний әсәбийләр " дәп атимақта вә бу күчләрни бастуруш һәрикити террорчилиққа қарши күрәшниң бир қисими, дәп тәкитлимәктә. Лекин хәлқара кишилик һоқуқ тәшкилатлири вә ғәрб әллири хитайниң"үч хил күчләр" гә қарши туруш һәрикити террорчилиқни баһанә қилип, уйғурларниң миллий вә диний кимликигә зәрбә беришни мәқсәт қилған, дәп әйиблимәктә. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт