قازاقىستاندا خەلقئارالىق ئۇيغۇرشۇناسلىق يىغىنى ئېچىلىدۇ


2005-08-07
Share

قازاقىستاننىڭ كونا پايتەختى ئالمۇتادىكى مۇناسىۋەتلىك ئەربابلاردىن ئىگىلىشىمىزچە يېقىندا، قازاقىستان پەنلەر ئاكادېمىيىسىنىڭ شەرقشۇناسلىق ئىنستىتۇتىنىڭ تارمىقىدىكى غوجەخمەت سەدۋاقاسوپ نامىدىكى ئۇيغۇرشۇناسلىق مەركىزى مەخسۇس خەلقئارالىق ئۇيغۇرشۇناسلىق ئىلمىي مۇھاكىمە يىغىنى ئۆتكۈزىدىكەن.

بۇ قېتىمقى مۇھاكىمە يىغىنى سوۋېت ئىتتىپاقىنىڭ يىقىلىش ھارپىسىدا يەنى 1991-يىلى، پۈتۈن سوۋېت ئىتتىپاقى بويىچە ئۆتكۈزۈلگەن ئاخىرقى قېتىملىق ئۇيغۇرشۇناسلىق يىغىنىدىن كېيىنكى ئەڭ كۆلەملىك ۋە خەلقارالاشقان ئىلمىي مۇھاكىمە يىغىن بولۇپ ھېسابلىنىدىكەن.

ئۇچۇرلارغا قارىغاندا، بۇ قېتىمقى يىغىن ئامېرىكىنىڭ قازاقىستاندا تۇرۇشلۇق ئەلچىخانىسىنىڭ ھەر جەھەتتىن قوللىشىغا ئېرىشكەن بولۇپ، ئامېرىكا تەرەپ پۈتۈن ئىقتىسادىي چىقىملارنى زېممىسىگە ئالغان.

ئىنگىلىز، ئۇيغۇر ۋە رۇس تىللىرى يىغىننىڭ خىزمەت تىلى قىلىپ بېكىتىلگەن بولۇپ، ئاساسلىق ئۇيغۇرلارنىڭ كونا سىياسى-ئىقتىساد ۋە مەدەنىيەت تارىخى شۇنىڭدەك بۈگۈنكى كۈندىكى سىياسىي مەسىلىلىرىنى ئۆز ئىچىگە ئالغان كەڭ دائىرىدىكى مەسىلىلەر مۇھاكىمە ئوبيېكتى قىلىنغان. (ئۈمىدۋار)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت