Qaghiliq nahiyilik partkom sékritari xé limin ikkinchi türkümde 313 neper Uyghur qizlirini tyenjin'ge yolgha salghan


2007.04.18

Qeshqer hökümet uchur torida melum bolushiche, qaghiliq nahiyilik partkom sékritari xé limin "yurttin sirtqa chiqish" dégen siyasetni ijra qilish üchün, 4 ‏- ayning 12 ‏- küni, ikkinchi türkümde tyenjin'ge yolgha salidighan 313 neper Uyghur qizlirini uzatqan. Bu wezipini orunlashqa yuqiri derijilik hökümet organliri hemkarlashqan.

Nahiyilik partkom sékritari xé limin bu Uyghur qizlirini qaghiliq tenterbiye meydanida daqa-dumbaq chélip, 'weten xori' éytquzup uzatqan. Bu qizlar ürümchige kelgende, aptonom rayonluq partkom intizam komitétining bashliqi fuchang poyiz istansisigha chiqip ularni qarshi alghan we uzatqan.

Xitay hökümitining Uyghur aptonom rayonida "yurttin sirtqa chiqish" dégen siyasetni yolgha qoyuwatqanliqini, hazir bir qisim Uyghur ziyaliyliri "xitaylar téz sür'et bilen Uyghur rayonigha köchüp kélip ishqa orunlishwatidu. Emma Uyghur rayonida ishsiz qalghan Uyghurlarni xitayche bilmeydu, dep ishqa qobul qilmaydu. Bundaq ehwal astida, her derijilik hökümetlerge wezipe chüshürüp toy qilmighan Uyghur qizlirini, ularning xitaychini bilish -bilmeslikini shert qilmastin biwaste ichkirige élip kétiwatqanliqida yaman ghezez bar " dep tehlil qimaqta. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.