Уйғур елидә 1500 йил бурунқи үзүмзарлиқниң қәдими ядикарлиқи байқалди


2005.02.06
Share on WhatsApp
Share on WhatsApp

Уйғур елиниң тоқсу наһийисидә йеқинда тарихи 1500 йилдин ашқан, көлими 200 мо келидиған қәдими үзүмзарлиқниң харабиси байқалған.

Уйғур аптонум районлуқ мәдәний ядикарлиқларни тәтқиқ қилиш мәркизи хадимлириниң билдүришичә, бу хитай бойичә байқалған тарихи әң узун, сақлиниши әң мукәммәл болған қәдими үзүмзарлиқ харабиси һесаблинидикән.

Уларниң ейтишичә, археологлар тоқсу наһийисидин 50 километир йирақтики җайда тәтқиқат елип бериватқанда, бир қәдими һойлиниң харабисини байқиған. Мәзкур һойлиниң ичидә үч еғиз өй вә 20 түптәк қуруп кәткән қәдими үзүм пилики бар икән. Қәдими һойлидин йирақ болмиған җайда мәзкур кәң кәткән қәдими үзүмзарлиқ байқалған.

Тоқсудики бағвәнчилик техника хадимлириниң қияс қилишичә, байқалған қәдими үзүмзарлиқтики үзүмләрниң сорти, һазир тоқсу наһийисидә териливатқан сай үзүми билән интайин охшап кетидикән(арзу)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт