Wang léchüen "térrorchiliq" qa zerbe bérishni qayta tekitlidi


2005-01-12
Share

Xitay kompartiye merkizi siyasiy byurosining ezasi, Uyghur aptonom rayonining partkom sékritari wang léchüen, qoralliq saqchi qisim shinjang bash etritining 2 - nöwetlik kéngeytilgen yighinida, térrorchiliqqa zerbe bérishni merkez qilghan her qaysi wezipilerni ünümlük tamamlap, Uyghur élining muqimliqini saqlashta üzlüksiz yéngiliq yaritish kéreklikini tekitligen.

Uyghur aptonom rayonluq téléwiziye istansisining xewiride körsitilishiche, wang léchüen sözide yene, qoralliq saqchi qisim emeldarliri we xizmetchilirige, Uyghur élini muqim saqlashning ularning yéngi bir yildiki eng muhim wezipisi hésaplinidighanliqini, shunga bu bir yilda térorrchiliqqa zerbe bérishke her da'im puxta teyyarliq körüsh kéreklikini bildürgen.

Dunya Uyghur qurultiyining bayanatchisi dilshat rishit charshenbe küni buninggha inkas qayturup, wang léchüenning "térrorchiliq" yalghan qalpiqini Uyghurlargha kiygüzüsh arqiliq, ulargha qaratqan basturushini yolluqlashturmaqchi bolghanliqini, shundaqla buning Uyghur élining weziyitini muqimlashturush emes, belki téximu keskinleshtüridighanliqini eskertti. U yene, dunya Uyghur qurultiyining nami bilen xitay hökümitini Uyghurlarning siyasiy tewelikini démokratik usulda belgilishini hörmet qilishqa chaqirdi.(Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet