Хитай һөкүмити ваң лечуәнни мусулманлар көп санлиқни тәшкил қилидиған уйғур аптоном райониниң башлиқлиқиға қайтидин бәлгилиди


2006.10.25
Share on WhatsApp
Share on WhatsApp

'Франсийә агентлиқи' ниң 25 ‏- өктәбир күни бейҗиңдин хәвәр қилишичә, хитай һөкүмити чаршәнбә күни, мусулман аһалиси көп санлиқни тәшкил қилидиған шинҗаң уйғур аптоном райониға сабиқ коммунст хитай башлиқни қайтидин бәлгилиди. Бу вәқәни хитяйниң 'шинхуа агентлиқи' мәзкур районда 1995 ‏- йилидин тартип башлиқ болуп туруватқан ваң лечуән қайтидин сайланди, дәп елан қилди.

Хәвәрдә баян қилинишичә, 11 ‏- сентәбир вәқәсидин кейин, мустәқиллиқни арзу қилидиған уйғур хәлқиқғә қаттиқ қоллуқ сиясәт йүргүзүп келиватқан 62 яшлиқ ваң лечуән, 2002 ‏- йили хитай коммунист партийиси мәркизи комитети тәрипидин хитайдики әң чоң имтиязлиқ орган ‏- сиясий бйуроға әза қилип өстүрүлгән иди. Шуниңдин кейин, ваң лечуән, бу райондики мустәқиллиқни яқлайдиған уйғурларни қаттиқ бастуруш арқилиқ хитайниң бу раюнда һакимийәт тиклигәнликиниң 50 йиллиқини хатирилиди вә дуня буйичә нобил тинчлиқ мукапати намзатлиқиға көрсүтүлгән уйғур паалийәтчи рабийә ханимни 'террорчи' дәп өзлүксиз әйипләп келиватиду. Хитай һөкүмитиму ваң лечуәнниң тәшәббусиға асасән, миллий хусусийәтлири хитайлардин алаһидә пәрқлинип туридиған уйғурларни сиясий, диний, мәдәнийәт җәһәтләрдә террорчилар тизимиға киргүзүп әйипләп кәлмәктә. (Вәли)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.