Xitay hökümiti wang léchu'enni musulmanlar köp sanliqni teshkil qilidighan Uyghur aptonom rayonining bashliqliqigha qaytidin belgilidi


2006-10-25
Share

'Fransiye agéntliqi' ning 25 ‏- öktebir küni béyjingdin xewer qilishiche, xitay hökümiti charshenbe küni, musulman ahalisi köp sanliqni teshkil qilidighan shinjang Uyghur aptonom rayonigha sabiq kommunst xitay bashliqni qaytidin belgilidi. Bu weqeni xityayning 'shinxu'a agéntliqi' mezkur rayonda 1995 ‏- yilidin tartip bashliq bolup turuwatqan wang léchu'en qaytidin saylandi, dep élan qildi.

Xewerde bayan qilinishiche, 11 ‏- séntebir weqesidin kéyin, musteqilliqni arzu qilidighan Uyghur xelqiqghe qattiq qolluq siyaset yürgüzüp kéliwatqan 62 yashliq wang léchu'en, 2002 ‏- yili xitay kommunist partiyisi merkizi komitéti teripidin xitaydiki eng chong imtiyazliq organ ‏- siyasiy by'urogha eza qilip östürülgen idi. Shuningdin kéyin, wang léchu'en, bu rayondiki musteqilliqni yaqlaydighan Uyghurlarni qattiq basturush arqiliq xitayning bu rayunda hakimiyet tikligenlikining 50 yilliqini xatirilidi we dunya buyiche nobil tinchliq mukapati namzatliqigha körsütülgen Uyghur pa'aliyetchi rabiye xanimni 'térrorchi' dep özlüksiz eyiplep kéliwatidu. Xitay hökümitimu wang léchu'enning teshebbusigha asasen, milliy xususiyetliri xitaylardin alahide perqlinip turidighan Uyghurlarni siyasiy, diniy, medeniyet jehetlerde térrorchilar tizimigha kirgüzüp eyiplep kelmekte. (Weli)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet