Ваң лечуән" шинҗаңда террорчилиққа қаттиқ зәрбә керәк" дәп қайта тәкитлиди


2007-03-11
Share

Бейҗиңда икки йиғинға қатнишиватқан уйғур аптонум райони партком секритари ваң лечуән,-9 март хитай мәтбуатлириниң бирләшмә зияритини қобул қилип уйғур елида террорчилиққа қаттиқ зәрбә беридиғанлиқини тәкитлиди.

У мухбирларға уйғур елиниң иқтисади , байлиқ ечилиши, муһит қурулуши,һәмдә динний сиясәтлири қатарлиқ тәрәпләрни асаслиқ сөзләп " шинҗаңда йигирмә бир милйондин артуқ хәлқ яшайду, арида он бир милйони аз санлиқ милләтләр, биз шинҗаңда қанунсиз динний һәрикәт, миллий бөлгүнчилик һәмдә террорчилиққа қақшатқуч зәрбә берип кәлдуқ, биз һәр милләт динға етиқад қилғучиларниң һоқуқини , вәтәнпәрвәр динний затларни қоғдаймиз. Хитайлар билән аз санлиқ милләтләр қериндаштәк инақ яшимақта " дегән.

Ваң лечуәнниң бу баянлири дәрһал дуня уйғур қурултийиниң рәддийә беришигә учриди . Бу һәқтә радиомизға баянат бәргән дуня уйғур қурултийи баянатчиси дилшат ришит " уйғурлар һечқачан терорлоқ билән алақиси йоқ , әмәлийәттә болса хитай һөкүмити сиясий динний иқтисади һәтта аптономийә һоқуқидинму мәһрум қилинған уйғур хәлқи үстидики бастурушлирини дөләт терорлиқи билән йәниму күчәйтип кәлмәктә. Хитай нопусини ашкара һәмдә юшурун усуллар арқилиқ уйғур елиға йөткәп уйғур вә башқа аз санлиқ милләтләрниң мәвҗутлиқини сиясий күчи , иқтисади күчи, нопус сани һәмдә зораванлиқи билән йоқатмақчи , уйғурлар һәр қачан юртида яшаватқан башқа милләтләр билән иттипақ өтүп кәлгән , хитай һөкүмити һәр милләтләргә охшимиған сиясәт қоллинилиш арқилиқ милләтләр арисидиму зидийәт пәйда қилишқа урунмақта ." Деди.

Шундақла ахирида у "уйғур ели ичи яки сиртида елип бериливатқан тинч йолдики наразилиқ һәрикәтлири пәқәт уйғурларниң хитай һөкүмитигә болған наразилиқи һәргизму икки милләт оттурсидики зидийәт әмәс, бу қаршилиқ бу наразилиқлар уйғурлар қачанки өз қанунлуқ һәқ һоқуқлириға еришкичә тохтимай давам қилиду"дәп тәкитлиди.(Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт