Wang léchu'en" shinjangda térrorchiliqqa qattiq zerbe kérek" dep qayta tekitlidi


2007-03-11
Share

Béyjingda ikki yighin'gha qatnishiwatqan Uyghur aptonum rayoni partkom sékritari wang léchu'en,-9 mart xitay metbu'atlirining birleshme ziyaritini qobul qilip Uyghur élida térrorchiliqqa qattiq zerbe béridighanliqini tekitlidi.

U muxbirlargha Uyghur élining iqtisadi , bayliq échilishi, muhit qurulushi,hemde dinniy siyasetliri qatarliq tereplerni asasliq sözlep " shinjangda yigirme bir milyondin artuq xelq yashaydu, arida on bir milyoni az sanliq milletler, biz shinjangda qanunsiz dinniy heriket, milliy bölgünchilik hemde térrorchiliqqa qaqshatquch zerbe bérip kelduq, biz her millet din'gha étiqad qilghuchilarning hoquqini , wetenperwer dinniy zatlarni qoghdaymiz. Xitaylar bilen az sanliq milletler qérindashtek inaq yashimaqta " dégen.

Wang léchu'enning bu bayanliri derhal dunya Uyghur qurultiyining reddiye bérishige uchridi . Bu heqte radi'omizgha bayanat bergen dunya Uyghur qurultiyi bayanatchisi dilshat rishit " Uyghurlar héchqachan térorloq bilen alaqisi yoq , emeliyette bolsa xitay hökümiti siyasiy dinniy iqtisadi hetta aptonomiye hoquqidinmu mehrum qilin'ghan Uyghur xelqi üstidiki basturushlirini dölet térorliqi bilen yenimu kücheytip kelmekte. Xitay nopusini ashkara hemde yushurun usullar arqiliq Uyghur éligha yötkep Uyghur we bashqa az sanliq milletlerning mewjutliqini siyasiy küchi , iqtisadi küchi, nopus sani hemde zorawanliqi bilen yoqatmaqchi , Uyghurlar her qachan yurtida yashawatqan bashqa milletler bilen ittipaq ötüp kelgen , xitay hökümiti her milletlerge oxshimighan siyaset qollinilish arqiliq milletler arisidimu zidiyet peyda qilishqa urunmaqta ." Dédi.

Shundaqla axirida u "Uyghur éli ichi yaki sirtida élip bériliwatqan tinch yoldiki naraziliq heriketliri peqet Uyghurlarning xitay hökümitige bolghan naraziliqi hergizmu ikki millet ottursidiki zidiyet emes, bu qarshiliq bu naraziliqlar Uyghurlar qachanki öz qanunluq heq hoquqlirigha érishkiche toxtimay dawam qilidu"dep tekitlidi.(Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet