D u q wang léchüenning sözlirige qattiq reddiye berdi


2007.01.18
Share on WhatsApp
Share on WhatsApp

17 ‏- Yanwar küni chüshtin kéyin Uyghur élidiki xitay emeldar wang léchüen, aptonom rayonluq 10‏- nöwetlik xelq qurultiyi 5 ‏- qétimliq yighinigha qatnashqan ma'arip, sehiye, tenterbiye, ijtima'iy parawanliq sahesidiki wekillerning birleshme muzakirisige qatniship": ma'arip, dawalash sahesidiki xelqning turmushigha munasiwetlik bolghan ijtima'iy ishlargha yüksek ehmiyet bérip, inaq shinjang berpa qilish qurulushini omumyüzlük ilgiri sürüsh kérek" dep otturigha qoyghan.

Wang léchüenning bu sözlirige qattiq reddiye bildürgen dunya Uyghur qurultiyining bayanatchisi dilshat rishit, istansimizning ziyaritini qobul qilip, mundaq dédi: "xitay hökümiti wang léchüenni Uyghur aptonom rayonigha emeldar qilip békitken kündin étibaren, u Uyghur xelqini pütün tereptin bolupmu, özi tekitlewatqan ma'arip, tenterbiye, ijtima'iy parawanliq sahesi buyiche xelqning turmushigha ehmiyet bérish emes belki xelqni ézish, basturush siyasiti qollinip keldi, u ma'arip saheside xitayning Uyghurlargha qaratqan tilni asmili'atsiye qilish siyasitini ijra qilish üchün qolidin kélidighan barliq wastilerni qollinip kelmekte, u bu siyaset arqiliq Uyghurlarni ishsiz qoydi. Tenterbiye sahesige köngül bölüsh emes, hetta shexsi xirajet bilen teshkillen'gen tenterbiye guruppilirighimu milletchilik we bölgünchilik qalpiqini kiydürüp, Uyghur yash ‏- ösmürlirining tenterbiye sahesi buyiche ösüp yétilishige tosqunluq qildi, dawalash saheside xelqqe ehmiyet bérish emes belki, birinchi shert pul, ikkinchisi dawalash prinsipi buyiche, köpligen xelqning bihude ölümini meydan'gha keltürdi" .

Chet'ellerdiki Uyghurlar, wang léchüenni Uyghur aptonom rayonida diktatorluq bilen siyaset yürgüzüwatqan, Uyghur siyasiy mehbuslarni jazalashta, xelq'ara qanunlargha xilap halda siyaset yürgüzüwatqan eng chong jinayetchi dep qaraydu. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.