Ваң лечүән "шинҗаң"ниң узун муддәтлик тинчлиқиға йәнә 20 - 30 йил вақит қалғанлиқини билдүрди
Бейҗиңда хитай хәлқ қурултийиниң йиғиниға қатнишиватқан уйғур аптоном райони парткоминиң секритари ваң лечүән, хитай баш министири вен җябавниң қурултайда бәргән доклатидики маарип мәсилисигә даир мәзмунларни музакирә қилғанда сөз қилип, уйғур елидә узун муддәтлик тинчлиқниң әмәлгә ешиши үчүн йәнә 20 - 30 йил вақит кетидиғанлиқини, буниң үчүн" қош тиллиқ маарип" ни зор көләмдә йолға қоюшқа тоғра келидиғанлиқини билдүрди. Бу ваң лечүәнниң уйғур елидә узун муддәтлик тинчлиқни әмәлгә ашурушни 1 - қетим "қош тиллиқ маарип" билән мунасивәтләндүрүшидур.
Йиғинда "аз санлиқ милләтләрни хәнзу тили өгинишкә илһамландуруш керәк "дәп тәкитлигән ваң лечүән, "йәр шарилишишниң тәдриҗи шәкиллиниш басқучида аз санлиқларниң хәнзу тили, һәтта чәтәл тили өгиниши барғансери муһим болуп қеливатиду" деди. Йиғинда уйғур аптоном районниң рәиси нури бәкри болса аз санлиқларниң хәнзу тили өгинишини дуняға йүзлинишниң ачқучи, дәп тәсвирлиди.
"Шинҗаңдики аз санлиқлар путуңхуани игиллимисә мәмликәт вә дуняға йүзлинәлмәйду" дәп тәкитлигән нур бәкри, кәлгүси 3 йилдин 5 йилға қәдәр вақит ичидә йәсли маарипиниң " қош тиллишиш" нисбитини %85 кә йәткүзидиғанлиқини билдүрди. Ваң лечүәнниң әскәртишичә, уйғур аптоном райони "қош тиллиқ маарип"қа 3 милярд 7 милйон йүән мәбләғ салидикән.
Лекин хитай даирилириниң бу сиясити чәтәлдики уйғур тәшкилатлирини әндишигә салмақта вә уларниң тәнқидигә учримақта. Уйғур миллий һәрикитиниң рәһбири рабийә қадир ханим, америка дөләт мәҗлисидики бир қетимлиқ испат бериш йиғинида хитай даирилириниң мәзкур сияситини " ирқий ассимилиятсийә қилиш қорали" дәп әйиблигән иди. Йеқинда нур бәкри бейҗиңда шинхуа ахбарат агентлиқиға чәтәлдики уйғур тәшкилатлирини" қош тиллиқ маарип"қа һуҗум қиливатиду, дәп әйиблигән. (Әркин)
Мунасивәтлик мақалилар
- Нур бәкри бейҗиңда "үч хил күчләр қош тиллиқ маарип сияситигә һуҗум қилмақта" дәп көрсәтти
- Дилшат решит : ваң лечүәнниң икки қоли уйғур хәлқиниң қизил қини билән боялди
- Уйғур елидә аз санлиқ милләт мәктәплири билән хитай мәктәплирини қошуветиш күчәйтилмәктә
- Хитай бу йил хитай өлкилиридики "шинҗаң синип " лириға 5 миң оқуғучи қобул қилмақчи
- Уйғур елидә қош тил маарипида оқуватқан аз санлиқ милләт оқуғучилар сани көпәйтилмәкчи
- Ваң лечүән : уйғур елида қош тил маарипини қилчә тәврәнмәй йолға қоюш керәк
- Хитай һөкүмити уйғур елигә қаратқан сиясий бесимини күчәйтмәктә
- Хитай һөкүмити"қош тил" маарипини йәслиләргичә кеңәйтмәктә
- Исмаил тиливалди рәислик вәзиписидин туюқсиз истипа бәрди
- Ваң лечүән сабиқ қорчақ әмәлдарларни йоқлиди
- Хитай һөкүмити қәшқәр, хотән, ақсу районлирида хитайчә оқуйдиған уйғур балилириниң санини йилдин - йилға көпәйтмәктә
- Әлфидар илтәбир америка уйғур бирләшмисиниң йеңи нөвәтлик рәисликигә сайланди
- Ғулҗада түрмидин чиққан яқуп һәсән һарпа күни, оғли билал яқуп һейт күни түгәп кәткән
- Шаңхәй кочилиридики сәргәрдан уйғур йигити вә хитай завутлириға йөткәлгән уйғурлар
- Б д т әмәлдариниң хитайниң уйғурлар һәққидики сахта тәшвиқатлириға маслишип, хитайдин 200 миң доллар пул алғанлиқи ашкариланди
- Әнгилийәдики бир тәшкилат әнглийәниң уйғур елидики вәһшиликкә четишлиқ хитай сақчи органлири билән болған алақисини паш қилди
