Wang léchu'en "shinjanggha yardem bérish pida'iylar" qoshunini kütüwaldi


2007-07-25
Share

Aldinqi hepte , wang léchu'enning yurti shendung ölkisidin, bu yil aliy mektepni püttürgen 240 neper xitay yash Uyghur élige kelgen idi.

Uyghur élidin tarqitilidighan xitay axbarat wasitilirining 24- iyuldiki melumatigha qarighanda, wang léchu'en bashliq aptonom rayon rehberliri, mexsus kütiwélish yéghini échip, bu oqughuchi pida'iylarni qobul qilghan.

Xewerde melum bolushiche, Uyghur aptonom rayon rehberliridin wang léchu'en we isma'il tiliwaldi qatarliqlar, bu yil xitay ölkisidin Uyghur élige kelgen "shinjanggha yardem bérish pida'iylar" qoshunigha tewe 910 neper ali mektep oqughuchilirini qobul qilghan we süretke chüshken.

Wang léchu'enning mezkur pida'iylar qoshunigha éytqan sözliridin ashkarilinishiche, oqughuchi pida'iylar gherbke yardem bérish pilani yolgha qoyulghinigha bu yil besh yil bolghan bolup, bu yil Uyghur élige xitay ölkisidin kelgen pida'iylar eng köp bolghan bir yil bolghan. U xitay oqughuchilargha, Uyghur élige chongqur yiltiz tartish toghriliq yolyoruq bergen.

Dunya Uyghur qurultiyi bayanatchisi dilshat rishit, Uyghur élide aliy mekteplerni püttürüp bir nechche yildin buyan ishsiz yürgen nurghunlighan yashlar xizmet tapalmaywatqan mushundaq shara'itta we Uyghur élide ish chiqmay nurghun qizlar xitay ölkilirige toshuluwatqan shara'itta, bundaq kop sandiki xitay oqughuchilarning Uyghur élige yötkep kélinishi we xizmetke orunlashturulushi, éniqki bir mustemlike siyasiti, dep körsetti. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet