Ваң лечуән тәйвәндики гоминдаңниң пәхри рәиси лйәнҗән билән һәмкарлишиш һәққидә сөһбәт өткүзди


2007-09-05
Share

Хитай коммунист партийә мәркизи комитети сиясий бюросиниң әзаси ваң лечуән 9 ‏- айниң 5 ‏- күни үрүмчидә, җуңго гоминдаң (милләтчи партийә) иниң пәхри рәиси лйәнҗәнни қизғин қарши алған вә техиму көп һәмкарлишиш үчүн сөһбәт өткүзгән.

Хоңкоңда чиқидиған 'миңпав гезити'ниң баян қилишичә, тәйвәндики гоминдаңниң пәхри рәиси лйәнҗән шиән шәһиридә ата-бовисиниң қәбригаһиға тавап қилиш паалийитини түгәткәндин кейин шинҗаңни зиярәт қилғили кәлгәндә, уни ваң лечуән қизғин қарши алған.

Ваң лечуән сөзидә нефит, тәбиий газ, һәрхил мәдән, су иншаати, електир қуввити, қатнаш, учур -алақә қатарлиқ саһәләрдә тәйвәндики гоминдаңниң һәрхил шәкил билән шинҗаңни ечишқа қатнишишини, бу арқилиқ оттура асиядики қошна әлләргә йүзлинишини қарши алидиғанлиқини вә бундақ икки партийә һәмкарлиқини давамлиқ күчәйтидиғанлиқини билдүргән.

Лйәнҗән болса, 2005 ‏- йилидин буян хитай коммунист партийиси билән гоминдаң (милләтчи партийә) дин ибарәт икки партийә оттурисида көп қетим һәмкарлиқ сөһбити өткүзүлгәнликини, бу қетим у шинҗаңға кәлгәндә техиму чоң үмид вә ишәнч пәйда болғанлиқини билдүргән. (Вәли)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт