Wang léchü'en : shinjangda jem'iyet muqim, el inaq, tereqqiyat istiqbali parlaq


2007-10-16
Share

17 ‏- Nöwetlik qurultaygha wekil bolup qatnashqan xitayning Uyghur éligha teyinligen yuqiri derijilik emeldari wang léchü'en, 15 ‏- öktebir küni xitay we chet'ellik muxbirlarning ziyaritini qobul qilip, "Uyghur aptonom rayonining ijtima'iy we siyasiy weziyiti muqim, her millet xelqi inaq, tereqqiyat istiqbali parlaq " dédi.

Wang léchü'en ilgiri qilghan sözliride muxbirlargha, milliy bölgünchilerning rayon'gha körsetken tesiri tüpeylidin her millet xelqi otturisidiki ittipaqliqqa ziyan yétiwatqanliqi heqqide toxtilip, weten ichi we sirtidiki milliy bölgünchilerge qattiq zerbe bérishning eng muhim xizmetlerdin biri ikenlikini tekitlep kelgen idi. Uning bu qétim Uyghur aptonom rayonidiki weziyetning muqim hemde milletler ara munasiwetning inaqliqidin söz échishi, chet'ellerde pa'aliyet élip bériwatqan Uyghur teshkilatlirining ret qilishigha uchridi.

Uyghurlarning kishilik hoquqi üchün pa'aliyet élip bériwatqan amérika Uyghur birleshmisining bash katipi alim séytof ependining bildürüshiche, wang léchü'enning éytqanliri tamamen saxta bolup, Uyghur élida héchqachan milletler ittipaqliqi mewjut emes iken. Chünki, esli bu zéminning igisi hésablan'ghan Uyghurlarda ishsizliq nahayiti éghir bolush bilen birge ular pilanliq tughut siyasitining qurbanigha aylinip, az sanliq millet sanilip , öz ma'aripidin mehrum qalghandin sirt yene diniy we söz qilish erkinlikidin mehrum qalmaqta.

Uning eksiche, Uyghur élidiki iqtisadiy tereqqiyattin xitaylar behrimen boluwatqan bu xil shara'itta milletlerni " inaq" déyishning özi köz boyamchiliq bolup hésablinidu. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet