Wang léchüen, siyasiy byuroning ezaliqigha yene saylandi


2007-10-22
Share

Yekshenbe küni axirlashqan xitay kompartiyisining - 17 qurultiyi, merkizi komitét siyasiy byurosining da'imiy ezaliri we ezalirini saylap chiqip, qismen tertipke sélishlar élip barghan bolsimu, lékin Uyghur aptonom rayoni partkomining sékritari wang léchüenning merkizi komitét siyasiy byuro ezaliqini saqlap qaldi.

Közetküchilerning eskertishiche, bu xitay hökümitining 90 ‏- yillardin béri yolgha qoyuwatqan we yerlik xelqning naraziliqigha uchrighan atalmish "shinjangni échish istiratégiyisi"de özgirish bolmaydighanliqini we Uyghurlargha qarita yuqiri bésimliq siyasetning yene dawamlishidighanliqidin direk béridiken.

Chet'eldiki xitay metbu'atliri qurultaydin burun élan qilghan bezi xewerliride, esli wang léchüenning jaw yungkangning ornigha xitay j x ministirliqining ministiri bolup yötkilidighanliqini, lékin wang sendungdiki yuqiri qatlam emeldarlar arisida yüz bergen bir " ashnidarchiliq setchiliki " ge chétilip qalghanliqtin, uning j x ministirliqigha yötkilish éhtimali azayghanliqini yazghan idi.

Bu qétimqi qurultayda zéng chingxung, lo gen, wu güenjinglar merkizi komitét siyasiy byurosining da'imiy ezalar tizimlikidin chüshüp qaldi. Ularning ornigha soda ministiri bo shiley, j x ministiri jaw yungkang, shangxey partkom sékritari shi jinping, lyawning partkomining sékritari li kéchyang we merkizi teshkilat bölümining bashliqi xé gochyanglar siyasiy byuro da'imiy ezaliqigha saylandi. Chet'el metbu'atliri bu ehwalni xu jintawning hoquqi bir qedem ilgiriligen halda kücheygenlikidin direk béridu, dep qarimaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet