Wang léchüen qatnashqa mes'ul mu'awin ministir qilip östürülmekchi


2007-11-05
Share

Xitayning Uyghur élide turushluq hökümitining bash sékrétari wang léchüen, kéler yili 3- ayda xitay dölet ishlar kabintigha yötkilip qatnashqa mes'ul mu'awin bash ministir qilip östürülidiken.

Melum bolushiche, xitay re'isi xu jintaw wang léchüen bilen bu heqte söhbet ötküzgen bolup, wang léchüenning östürülüsh xewiri Uyghur aptonom rayoni partkomning a'ililikler qorusida ewj alghan.

Boshün axbarat torida Uyghur élide turushluq xitay kompartiyisi ezalirining pikirliridin neqil élip körsitilishiche, xitay re'isi xu jintawning mukapatlash we jazalash jehettiki meydani éniq bolup, u hazir xitayning gherb we sherqtiki kadirlar bilen alaqini kücheytip, jenub we shimaldiki kadirlarni almashturush yolini tutmaqta iken.

Yuqirida tilgha élin'ghan wang léchüen esli xitayning shendung ölkisidin bolup, 1991- yilidin buyan Uyghur élide her xil emellerni tutup kéliwatqan idi.

U, 1995- yilidin buyan xitayning Uyghur élide turushluq hökümitining birinchi qol sékrétari we mu'awin re'islik wezipisini ötep kéliwatqan bolup, 1997- yili 5- féwral ili yashliri élip barghan naraziliq namayishini qanliq basturush jehette netijisi körünerlik bolghanliqini üchün xitay kompartiyisining ishenchige érishken hemde 2002- yili xitay kompartiyisi siyasiy byurosining ezaliqigha érishken. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet