Wang léchüen qirghizistandiki ziyaritini axirlashturdi

Xitay hökümitining Uyghur élige teyinligen partkom sékritari wang léchüen bashchiliqidiki wekiller ömiki charshenbe küni qirghizistandiki üch künlük ziyaritini ayaqlashturdi.

Xitay metbu'atlirining bildürishige qarighanda, wang léchüen ziyaritide qirghizisitan prézidénti esqer aqayéf, bash ministiri nikolay tanayéf qatarliq hökümet emeldarliri bilen körüshken we ikki terepning siyasiy , iqtisadiy hemkarliq we medeniyet almashturush témilirida söhbet ötküzgen.

Biraq xitay metbu'atliri xewiride ikki terepning siyasiy jehette konkrét qaysi mezmunlarda söhbet ötküzgenlikini ashkarilimighan, peqet ularning éléktir énérgiyisi, kan bayliqi we déhqanchiliq sana'iti jehetlerdiki hemkarliqni kücheytishte ortaq pikirge kelgenlikini ilgiri sürgen.

Xewerge qarighanda, wang léchüen 17 - noyabir küni bishkektiki ziyaritini axirlashturushning harpisida, qirghizistan prézidénti we bash ministirini Uyghur élini ziyaret qilishqa teklip qilghan.

Qirghizistan hökümiti bolupmu 11 - sintebir weqesidin kiyin, xitay hökümitining Uyghurlarning milliy musteqilliq heriketlirini basturishini yéqindin qollap kelmekte. (Arzu)