Wang léchü'en qirghizistandiki ziyariti heqqide taxtaldi


2004-11-19
Share

Yéqinda qirghizistanni ziyaret qilghan Uyghur aptonom rayonluq partkomning sékritari wang léchü'en, béshkektiki ziyariti jeryanida qirghizistan hökümiti bilen Uyghur musteqilchirilige qarshi hemkarliq we soda mesililiri boyiche söhbet élip barghanliqini bildürdi.

Xitay metbu'atlirining xewer qilishiche, wang léchü'en aldinqi küni qirghizistandiki ziyariti toghrisida xitay metbu'atlirigha melumat bergen. Wang léchü'en mundaq deydu:"ziyaret jeryanida ikki terep üch xil küchler, térrorchiliqqa qarshi turush, muhit qoghdash , mediniyet almashturush qatarliq mesililiri boyiche söhbet élip bérip, birleshme xizmet mixanizimi qurdi." Wang léchü'en, ikki terep otturisida qurulghan birleshme xizmet mixanizimining konkirit ehwali heqqide tepsili toxtalmighan.

Biraq wang léchü'en, ikki dölet otturisida bezi ixtilaplarning barliqini eskertken. U, ikki terep otturisidiki eng chong ixtilaplarning biri, sodidiki balanisning tengpungsizliqi, dep tekitligen. Wang léchü'enning ashkarilishiche , qirghizistan bilen Uyghur aptonom rayonining 2003 - yildiki omumi soda hejimi 230 milyon dollar bolup, Uyghur aptonom rayonining qirghizistan'gha chiqarghan éksport miqtari, qirghizistanning Uyghur aptonom rayonigha chiqarghan éksport miqtaridin ikki hesse köp bolghan.

Wang léchü'enning qirghizistandiki ziyariti charshenbe küni axirlashqan idi. U qirghizistan prézidénti bilen bash ministirini ürümchini ziyaret qilishqa teklip qilghan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet