Wang léchüen ilida yene Uyghur musteqilchilirige zerbe bérishni telep qildi


2006.05.07
Share on WhatsApp
Share on WhatsApp

Xitayning Uyghur éligha teyinligen partkom sékritari wang léchüen 5-ayning 3-künidin 5-künigiche ilida tekshürüsh élip barghanda, shu jayda turushluq xitay azadliq armiyisining qisimliri we qoralliq saqchi qisimlirini ziyaret qilip, ularning aptonom rayon we ili oblastining ijtima'iy muqimliqini qoghdap, iqtisadiy tereqqiyatni ilgiri sürüshte töhpe qoshqanliqigha rehmet bildürdi.

Bu heqtiki xitay döletlik axbarat orgini shunxu'a agéntliqining uchuridin melum bolushiche, wang léchüen ghulja, qorghas, narat ayrodromi qatarliq muhim nuqtiliq jaylarni tekshürgen bolup, u, 5-may küni ötküzülgen yighinida, ilining ehwaligha a'it doklatni anglap bolghandin kéyin, atalmish milliy bölgünchilikke qattiq zerbe bérishni tekitlep," ili oblasti bölgünchilikke qarshi küreshning aldinqi sépide turmaqta, muqimliq hemmini bésip chüshidu dégende ching turup, her waqit muqimliqni qoghdashni" teshebbus qilghan.

Wang léchüen yene "üch xil küchlerge nisbeten qattiq basturush, yuqiri derijide diqqet qilish, qattiq mudapi'e körüsh pozitsiyiside turup, ijtima'iy muqimliqni kapaletke ige qilish lazim" dégen. Tarixiy pakitlargha tayan'ghanda, ili 1944-yilidin 1949-yilighiche musteqil sherqiy türkistan jumhuriyiti mewjut bolghan jay, bu yerdiki qarshiliqlar héchqachan toxtap qalghan emes, 1997-yilidiki ghulja weqesi xelqaragha zor derijide tesir körsetti.(Ümidwar)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.