Wang léchüen jenubiy rayonlarning namratliq sewebi heqqide toxtaldi


2006-10-19
Share

Xitay hökümitining, Uyghur aptonom rayonigha békitip bergen emeldari wang léchüen, yéqinda qeshqer, xoten qatarliq jenubtiki 3 wilayet , oblastning wekillirini qobul qilip, bu rayonlarning namrat we arqida qélishtiki sewebler heqqide toxtaldi.

Tengritagh tori 19 ‏- öktebir küni, wang léchüenning sözini neqil keltürüp mundaq deydu" :gerche jenubtiki üch wilayet ,oblastning tereqqiyati nahayiti téz yüksiliwatqan bolsimu, biraq tarixiy, tebi'iy shara'itning tosalghuliri tüpeyli, bu rayon yenila bir qeder namrat hésablinidu" .

Bu arida dunya Uyghur qurultiyining bayanatchisi dilshat rishit derhal bayanat élan qilip": xitay rehberliri, Uyghur élining jenubidiki rayonlarning tereqqi qilmasliqtiki tüp sewebini, wang léchüen tekitligendek tarixiy we tebi'i shara'itqa artip kelgen bolup, hökümet bu zémindin chiqqan bayliqlarni ene shu tarixiy we tebi'i shara'itni özgertish we yaxshilashqa serp qilghan emes" dep körsetti.

Xitay da'iriliri Uyghurlargha izchil türde pilanliq tughut siyasitini yolgha qoyup kelgen bolup, wang léchüen yene, jenubta nopusning téz sür'ette ösüshi, tereqqiyatqa tosqunluq yaritiwatqan yene bir muhim amil ikenlikini , shuning üchün jenubtiki rayonlarda pilanliq tughut siyasitini izchil dawamlashturushni otturigha qoydi.

Uyghur öktichiliri bolsa, xitayning pilanliq tughut siyasitini Uyghurlarni yoq qilishning asasliq charisi dep tenqid qilmaqta. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet