Wang léchu'en qazaqstanda ziyarette boldi

Qazaqistan xewerliride bayan qilinishiche, qazaqistan almata shehirining sheher bashliqi akim iman'ghali tasmaqanbitow xitay kommunist partiyisining Uyghur aptonom rayonigha qoyghan emeldari wang léchu'enni qizghin qarshi alghan. Xewerde bayan qilishche, wang léchu'enning bu qétimqi qazaqistan ziyariti Uyghur aptonom rayoni bilen qazaqistanning soda, banka, ijtima'iy, ma'arip, sayahet we siyasiy sahelerde hemkarliqini kéngeytishni meqset qilidiken. Buni ishqa ashurushta, almata intayin muhim rol oynaydiken. Bu qétimqi ziyarette wang léchu'en'ge ikki terepning yuqiri derijilik soda emeldarliri hemrah bolghan.

Uyghur aptonom rayonluq hökümetning tor bétide bayan qilinishiche, wang léchu'en qazaqistanni ziyaret qiliwatqanda, qazaqistan dölet bixeterlik komitétining re'isi we chégra mudapi'e idarisining bashliqi général mayor zakiyéw xitay jama'et xewpsizliki ministirliqining teklipige asasen ürümchige kelgen. Aptonom rayonluq hökümetning mu'awin re'isi chén léy zakiyéwqa özliri qolgha keltürgen muweppeqiyetlerni tonushturghan. (Weli)