Uyghur aptonom rayoni partkomining sékritari wang léchüen "maliye" zhurnilida xiyanetchilik bilen eyiblendi
2007.01.22
Xitay chong quruqluqidiki "maliye" zhurnilida Uyghur aptonom rayoni partkomining sékritari wang léchüen, xu béy ölkilik partkom sékritari yüy jingshing we mu'awin dölet re'isi zéng chingxunglar sendung luning guruhining pay chékini ikki xususiy shirketke ötküzüp bérish sodisida xiyanetchilikke chétilip qélish bilen eyiblendi.
"Maliye" zhurnilining eskertishiche, sendung luning shirketler guruhining 73 milyard 800 milyon yüen'ge yaraydighan 6.91 Pirsentlik pay chékini béyjingdiki showda énérgiye cheklik shirkiti bilen béyjing goyüen birleshme cheklik shirkitidin ibaret ikki xususiy shirketke 3 milyard 700 milyon yüen'ge satqan.
"Maliye" zhurnili bu sodining arqisida wang léchüen, yüy jingshing we zéng chingxunglarning qoli barliqini bildürdi. "Maliye" zhurnili 8 - yanwar küni élan qilghan bu heqtiki maqalige " luning shirkiti kimningki? " dep mawzu qoyghan.
Luning shirkiti dölet igilikidiki éléktir énirgiye shirkiti bolup, sendungdiki eng chong karxanilarning biri idi. Közetküchiler, wang léchüenning zéng chingxunglar qatarida mezkur xiyanetchilik setchilikige chétilip qalghanliqini tasadipi emes, dep qarimaqta. Wang léchüen, sendung tewelikidiki xitay bolsimu, lékin Uyghur aptonom rayoni tarixida siyasi byurogha resmiy eza bolghan tunji partkom sékritari bolup, sendungluqlarning Uyghur aptonom rayonidiki soda sana'et pa'aliyitide köwrüklik rol oynimaqta idi. (Erkin)