Wang léchüen Uyghur élide turushluq esker we saqchilarni mukapatlidi


2007.02.01

Xitayning Uyghur élige békitken bash emeldari wang léchüen, 31 ‏- yanwar küni xitayning Uyghur élide turushluq qisimliridiki esker we jama'et xewpsizlik jengchilirini yoqlap, ulardin chaghanliq hal sorighan.

Tengritagh torining xewiridin melum bolushiche, wang léchüen özining mu'awinliridin ismayil tiliwaldi, jappar hebibulla we herbiy rayonning rehberliri qatarliq hemrahliri bilen birlikte herbiy rayon quruqluq armiye, awi'atsiye qisimliri we aptonom rayonluq jama'et xewpsizlik nazariti meshiq bazilirigha bérip, esker hemde saqchilarni qobul qilghan shuningdek ularni pul bilen mukapatlighan.

Wang léchüenning merkizi hökümet rehbiri zing chingxung bilen birlikte ghayet zor miqdardiki xiyanetchilik dilosigha chétilip qalghanliqi heqqidiki xewerler taralghandin buyan, bir qisim kishiler "Uyghur élide hakimyet yürgüzüsh jeryanida ikki qoli jinayet bilen tolghan wang léchüenning epti - beshiriliri bir - birlep échilishqa bashlaydighan boldi" déyishken idi.

Biraq, közetküchiler wang léchüenning yéqindin buyan, Uyghur élide üzlüksiz élip bériwatqan pa'aliyetliri bolupmu armiye we saqchi qisimlirini alahide kücheytish teshebbüsliridin, uning yenila merkizi hökümet teripidin qoghdiliwatqanliqini qiyas qilishmaqta.

Kommunistik partiye tarixini tetqiq qilidighan mulahizichi lin bawxu'a ziyaritimizni qobul qilip, wang léchüenning Uyghurlargha ishlitip kelgen qattiq qol siyasiti tüpeyli, merkizi hökümetning ishenchisige érishkenlikini bildürdi. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.