Ваң лечүән хитай әлчиханилирини шинҗаңни яхши тәшвиқ қилишқа чақирди


2006.08.09

Хитайниң уйғур елидики партком секритари ваң лечүән, хитайниң чәтәлләрдики әлчиханилирини шинҗаң һәққидики тәшвиқатларни күчәйтишкә чақирди.

Хитай хәвәр агентлиқиниң мәлум қилишичә, ваң лечүән бу сөзлирини, уйғур елигә зиярәткә кәлгән хитайниң чәтәлләрдики әлчиханилириниң әзалиридин тәшкилләнгән бир тәкшүрүш өмикини күтивалғанда қилған. Ваң лечүән вәкилләргә, уйғур елиниң интайин муһим стратегийилик әһмийәткә игә район икәнликини тонуштуруп, бу йәрдики бөлгүнчилик вә бөлгүнчиликкә қарши көрәшниң узун мәзгиллик, мурәккәп вә җапалиқ икәнликини әскәрткән.

Ваң йәнә, уйғур елидики тәбиий байлиқларниң хитайниң муһим енергийә мәнбәси болидиғанлиқини, хитайниң чәтәлләрдики әлчиханилириниң шинҗаңни чәтәлләргә яхши тәшвиқ қилишини үмид қилидиғанлиқини билдүргән.

Дуня уйғурлири қурултийиниң баянатчиси дилшат ришитниң илгири сүришичә, хитай даирилири 1996‏- йили чүшүргән 7‏-номурлуқ һөҗҗитидә, хитайниң һәр қайси чәтәл дөләтлири билән болған һәмкарлиқни күчәйтип, шу йәрләрдики уйғур тәшкилатлириниң паалийәтлирини чәкләшкә тиришиш көрситилгән. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.