Wang léchüen xitay elchixanilirini shinjangni yaxshi teshwiq qilishqa chaqirdi


2006.08.09
Share on WhatsApp
Share on WhatsApp

Xitayning Uyghur élidiki partkom sékritari wang léchüen, xitayning chet'ellerdiki elchixanilirini shinjang heqqidiki teshwiqatlarni kücheytishke chaqirdi.

Xitay xewer agéntliqining melum qilishiche, wang léchüen bu sözlirini, Uyghur élige ziyaretke kelgen xitayning chet'ellerdiki elchixanilirining ezaliridin teshkillen'gen bir tekshürüsh ömikini kütiwalghanda qilghan. Wang léchüen wekillerge, Uyghur élining intayin muhim stratégiyilik ehmiyetke ige rayon ikenlikini tonushturup, bu yerdiki bölgünchilik we bölgünchilikke qarshi köreshning uzun mezgillik, murekkep we japaliq ikenlikini eskertken.

Wang yene, Uyghur élidiki tebi'iy bayliqlarning xitayning muhim énérgiye menbesi bolidighanliqini, xitayning chet'ellerdiki elchixanilirining shinjangni chet'ellerge yaxshi teshwiq qilishini ümid qilidighanliqini bildürgen.

Dunya Uyghurliri qurultiyining bayanatchisi dilshat rishitning ilgiri sürishiche, xitay da'iriliri 1996‏- yili chüshürgen 7‏-nomurluq höjjitide, xitayning her qaysi chet'el döletliri bilen bolghan hemkarliqni kücheytip, shu yerlerdiki Uyghur teshkilatlirining pa'aliyetlirini chekleshke tirishish körsitilgen. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet