Wang léchüen yene atalmish " üch xil küchler" heqqide toxtaldi


2006-10-20
Share

Uyghur aptonom rayoni partkomining sékritari wang léchüen, peyshenbe küni aptonom rayon partkomining-7 nöwetlik wekiller qurultiyida atalmish " üch xil küchler" ge qarshi küreshning bir qatar ghelibilerge érishkenlikini ilgiri sürdi. Lékin u, bu ghelibining némilerdin direk béridighanliqini tilgha almidi.

Wang léchüen, rayonda " xil küchler" ge qarshi sitiroluq tor shekillen'genlikini bildürdi. U, " üch xil küchlerning hawadin singip kirishige qarshi sitiroluq tor shekillendi " deydu. Közetküchilerning eskertishiche, wang léchüen bu yerde chet'el radi'olirining anglitishini közde tutqan bolushi mumkin. Xitay hökümiti chet'el radi'o programmilirining Uyghurche anglitishini tosimaqta we uninggha kashila qilmaqta. Wang léchüen, tibet - shinjang qurulushi we yéza - yézilarghiche qaplash qurulushining keng - kölemde yolgha qoyulghanliqini we xitay radi'o - téléwiziye programmilirining qaplash nisbiti üzlüksiz kéngeygenlikini eskertti.

U, " üch xil küchler" ge qarshi küreshning aktipchanliqini qolgha keltürgenlikini eskertip, "aktip hujum qilish, bash kötergen haman zerbe bérish, aldin'ala qol sélish" siyasitide ching turushimiz kérek, dep körsetti. Lékin amérika we xelq'ara kishilik hoquq teshkilatliri xitayning bu siyasiti térorizimgha qarshi turushni bahane qilip, Uyghurlarning kishilik hoquqini depsende qilghanliqtur, dep eyiblimekte. Amérika tashqiy ishlarministirliqining bu yilqi diniy erkinlik doklatida xitay diniy pa'aliyetchiler we siyasiy öktichilerni térrorchilar bilen bir qatarda jazalimaqta, dep eyiblen'gen.

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet