Xu jintaw Uyghur aptonom rayonining wekilliri bilen körüshti


2005.03.09

Xitay dölet re'isi xu jintaw 10 -nöwetlik xitay xelq qurultiyining 3 - qétimliq yighinida 60 neper Uyghur aptonom rayoni wekilliri bilen ayrim körüshüp, xitayning gherbni échish siyasitini yene dawamlashturidighanliqini bildürdi.

Tengritagh xewer torining melumatigha qarighanda, xu jintaw bilen bolghan söhbette, Uyghur aptonom rayoni re'isi ismayil tiliwaldi Uyghur élining emeliy ehwalidin doklat bérip, Uyghur élining yer tewresh apiti rayonidiki orunlashturush ishlirining ongushluq élip bérilghanliqini bildürdi.

Xu jintaw peyziwat we mekittiki yer tewreshte apetke uchrighan xelqning hemmisi yer tewreshke berdashliq béreleydighan öylerge kirelidimu? dep sorighinida, xitayning Uyghur élidiki partkom sékritari wang léchüen, apet rayonidiki barliq xelqlerning ölchemlik öylerge kirip bolghanliqini körsetken.

Wang léchüen yene, Uyghur élining namrat rayonliridiki 2 milyon 500 ming kembeghel oqughuchining heqsiz ma'aripqa érishkenlikini éytqanda, xu jintaw xushalliq bilen " nahayiti yaxshi, siler téxi bir qedem aldida méngipsiler" dégen.

Nurghun küzetküchiler, aptonom rayoni rehberlirining dawamliq Uyghur élidiki mewjut heqiqiy mesililerni otturigha qoymaydighanliqini, emeliyette bolsa, Uyghur élidiki namratchiliqning héchqanche hel bolmighanliqini bildürmekte. Hetta biz ilgiri téléfon qilghan üchturpan nahiyisidiki özini halliq sewiyide hésablaydighan bir déhqan uning yilliq kirimining aran 150 yu'en etrapida ikenlikini bildürgen idi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.